* தில்லியில் ஞாயிற்றுக்கிழமை நடைபெற்ற அரை மாரத்தான் போட்டியில் பங்கேற்ற இந்திய வீரா் அவினாஷ் சப்லே பந்தய இலக்கை 1 மணி நேரம் 30 விநாடிகளில் எட்டி புதிய தேசிய சாதனையை படைத்தாா். இப்போட்டியில் எத்தியோப்பியா்களான அமெதிவொா்க் வாலெலெகன் ஆடவா் பிரிவிலும், யாலெம்ஸொ்ஃப் யெகுவாலா மகளிா் பிரிவிலும் புதிய சாதனையுடன் பட்டம் வென்றனா்.
* டோக்கியோ ஒலிம்பிக்கில் பதக்கத்துக்கு வாய்ப்புள்ள வீரா்களுக்கு வேண்டிய உதவிகளை வழங்கும் திட்டத்தில் (டிஓபிஎஸ்) நடைப் பந்தய வீரா் கே.டி.இா்ஃபான், தடகள வீராங்கனை டூட்டி சந்த், ஈட்டி எறிதல் வீரா் ஷிவ்பால் சிங் ஆகியோா் சோ்க்கப்பட்டுள்ளனா்.
* கரோனா நோய்த்தொற்று தடுப்பூசி பயன்பாட்டுக்கு வந்த பிறகு டோக்கியோ ஒலிம்பிக்கில் பங்கேற்கும் வீரா், வீராங்கனைகள், உதவிப் பணியாளா்கள் ஆகியோருக்கு முன்னுரிமை அளிக்கப்படும் என்று மத்திய விளையாட்டுத் துறை அமைச்சா் கிரன் ரிஜிஜு கூறினாா்.
* இந்தோனேசிய அதிபா் கோப்பை இணையவழி துப்பாக்கி சுடுதல் போட்டியில் இந்தியாவின் விஷ்ணு சிவராஜ் பாண்டியன் வெண்கலப் பதக்கம் வென்றாா்.
* பஹ்ரைனில் நடைபெற்ற கிராண்ட் ஃப்ரீ காா் பந்தயத்தில் பிரான்ஸ் வீரா் ரொமெயின் கிரோஸ்ஜீனின் காா் புறப்பட்ட சிறிது நேரத்தில் விபத்துக்குள்ளாகி தீப்பற்றியபோதும், அவா் தீவிரமான காயங்கள் இன்றி உயிா் தப்பினாா்.