ஆப்கானிஸ்தான் கிரிக்கெட் வீரர் நஜீப் தரகாய், சாலை விபத்தில் பலியாகியுள்ளார்.
2014-ல் நடைபெற்ற ஆசியக் கோப்பைப் போட்டியில் ஆப்கானிஸ்தான் அணியில் அறிமுகமானார் நஜீப். 12 டி20 மற்றும் ஒரு ஒருநாள் போட்டிகளில் அவர் விளையாடியுள்ளார்.
கடந்த அக்டோபர் 2 அன்று ஜலாலாபாத்தில் சாலையைக் கடந்தபோது அந்த வழியாக வேகமாக வந்த கார் மோதியதில் பலமாகக் காயமடைந்தார் 29 வயது நஜீப். இதையடுத்து சிகிச்சைக்காக மருத்துவமனையில் அவர் அனுமதிக்கப்பட்டார். தீவிர சிகிச்சைப் பிரிவில் அவருக்கு அறுவை சிகிச்சை மேற்கொள்ளப்பட்டது. எனினும் சிகிச்சை பலனின்றி நஜீப் மரணமடைந்துள்ளதாக ஆப்கானிஸ்தான் கிரிக்கெட் வாரியம் தகவல் தெரிவித்துள்ளது.