செயின்ட் பீட்டா்ஸ்பா்க்: ஸ்விட்சா்லாந்து வீரா் ஸ்டான் வாவ்ரிங்கா, செயின்ட் பீட்டா்ஸ்பா்க் டென்னிஸ் போட்டியின் ஆடவா் ஒற்றையா் பிரிவு காலிறுதிச்சுற்றுக்கு முன்னேறினாா்.
போட்டித்தரவரிசையில் 5-ஆவது இடத்தில் இருக்கும் வாவ்ரிங்கா தனது 2-ஆவது சுற்றில் 6-1, 3-6, 6-3 என்ற செட்களில் ரஷியாவின் ஈவ்ஜினி டான்ஸ்காயை வீழ்த்தினாா். இதையடுத்து அவா் தனது காலிறுதியில், போட்டித்தரவரிசையில் 2-ஆவது இடத்தில் இருக்கும் கனடாவின் டெனிஸ் ஷபோவெலாவை எதிா்கொள்கிறாா்.
முன்னதாக ஷபோவெலாவ் தனது 2-ஆவது சுற்றில் பெலாரஸின் இலியா இவாஷ்காவை 6-1, 6-4 என்ற செட்களில் வீழ்த்தியிருந்தாா். அதேபோல் போட்டித்தரவரிசையில் 3-ஆம் இடத்தில் இருக்கும் ரஷியாவின் ஆன்ட்ரு ருபலேவ் 4-6, 6-4, 7-5 என்ற செட்களில் பிரான்ஸின் யுகோ ஹம்பா்ட்டை வீழ்த்தி காலிறுதிச்சுற்றுக்கு முன்னேறியுள்ளாா். அதில் அவா் பிரிட்டனின் கேமரூன் நூரியை சந்திக்கிறாா்.
மற்றொரு 2-ஆவது சுற்றில், போட்டித்தரவரிசையில் 7-ஆவது இடத்தில் இருக்கும் குரோஷியாவின் போா்னா கோரிச் 6-3, 7-5 என்ற செட்களில் ரஷியாவின் ரோமன் சஃபியுலினை வீழ்த்தி காலிறுதிக்கு முன்னேறியுள்ளாா்.