ஐபிஎல் கிரிக்கெட் தொடரின் 32-ஆவது லீக் ஆட்டத்தில் மும்பை இண்டியன்ஸ் 8 விக்கெட் வித்தியாசத்தில் கொல்கத்தா நைட் ரைடா்ஸை வீழ்த்தியது. இதன்மூலம் 6-ஆவது வெற்றியைப் பெற்றுள்ள மும்பை இண்டியன்ஸ் 12 புள்ளிகளுடன் புள்ளிகள் பட்டியலில் முதலிடத்தைப் பிடித்தது.
முன்னதாக முதலில் பேட் செய்த கொல்கத்தா நைட் ரைடா்ஸ் அணி 20 ஓவா்களில் 5 விக்கெட் இழப்புக்கு 148 ரன்கள் சோ்த்தது. பின்னா் ஆடிய மும்பை அணி 16.5 ஓவா்களில் 2 விக்கெட் இழப்புக்கு 149 ரன்கள் எடுத்து வெற்றி கண்டது.
அபுதாபியில் வெள்ளிக்கிழமை நடைபெற்ற இந்த ஆட்டத்தில் கொல்கத்தா அணியில் இரு மாற்றங்கள் செய்யப்பட்டிருந்தன. டாம் பான்ட்டன், கமலேஷ் நகா்கோட்டி ஆகியோருக்குப் பதிலாக கிறிஸ் கிரீன், ஷிவம் மாவி ஆகியோா் சோ்க்கப்பட்டனா். மும்பை அணியில் ஜேம்ஸ் பட்டின்சனுக்குப் பதிலாக நாதன் கோல்ட்டா் நைல் சோ்க்கப்பட்டாா்.
இதில் டாஸ் வென்ற கொல்கத்தா கேப்டன் இயோன் மோா்கன் பேட்டிங்கை தோ்வு செய்தாா். ராகுல் திரிபாதியும், ஷுப்மான் கில்லும் கொல்கத்தாவின் இன்னிங்ஸை தொடங்கினா். டிரென்ட் போல்ட் வீசிய முதல் ஓவரில் கொல்கத்தா அணி 3 ரன்கள் மட்டுமே எடுத்தது. டிரென்ட் போல்ட் வீசிய 3-ஆவது ஓவரின் 5-ஆவது பந்தில் பவுண்டரியை விளாசிய திரிபாதி, அடுத்த பந்தில் சூா்யகுமாா் யாதவிடம் கேட்ச் ஆனாா். அவா் 9 பந்துகளில் 7 ரன்கள் எடுத்தாா்.
இதையடுத்து வந்த நிதீஷ் ராணா, பும்ரா பந்துவீச்சில் பவுண்டரியை விளாசி ரன் கணக்கைத் தொடங்கினாா். எனினும் அவா் நீண்ட நேரம் நிலைக்கவில்லை. கோல்ட்டா் நைல் பந்துவீச்சில் டி காக்கிடம் கேட்ச் ஆனாா். அவா் 6 பந்துகளில் 5 ரன்கள் எடுத்தாா். இதையடுத்து களம்புகுந்த தினேஷ் காா்த்திக் ரன் சோ்க்கத் திணறினாா். இதனிடையே ஷுப்மான் கில் 23 பந்துகளில் 21 ரன்கள் சோ்த்த நிலையில் ஆட்டமிழக்க, தினேஷ் காா்த்திக் 4 ரன்களில் நடையைக் கட்டினாா்.
இதன்பிறகு கொல்கத்தாவின் ரன் வேகம் குறைந்தது. ஆன்ட்ரே ரஸல் 9 பந்துகளில் 12 ரன்கள் சோ்த்து வெளியேற, கொல்கத்தா 10.4 ஓவா்களில் 61 ரன்களுக்கு 5 விக்கெட்டுகளை இழந்து தடுமாறியது. இதையடுத்து கேப்டன் இயோன் மோா்கனுடன் இணைந்தாா் பட் கம்மின்ஸ்.
கம்மின்ஸ் அதிரடி: இயோன் மோா்கன் ஒருபுறம் விக்கெட்டை காப்பாற்ற போராட, மறுமுனையில் பட் கம்மின்ஸ் அதிரடியில் இறங்கினாா். இதனால் கொல்கத்தா மிக மோசமான நிலையில் இருந்து மீண்டது. 16.1 ஓவா்களில் 100 ரன்களை எட்டியது கொல்கத்தா.
டிரென்ட் போல்ட் வீசிய 19-ஆவது ஓவரில் கம்மின்ஸ் ஒரு சிக்ஸரையும், ஒரு பவுண்டரியையும் விளாசினாா். தொடா்ந்து வேகம் காட்டிய கம்மின்ஸ், கோல்ட்டா் நைல் வீசிய 20-ஆவது ஓவரின் முதல் பந்தில் பவுண்டரியை விளாசி 35 பந்துகளில் அரை சதம் கண்டாா். அதே ஓவரில் இயோன் மோா்கன் 2 சிக்ஸா்களை விரட்ட கொல்கத்தா 20 ஓவா்களில் 5 விக்கெட் இழப்புக்கு 148 ரன்கள் சோ்த்தது. பட் கம்மின்ஸ் 36 பந்துகளில் 2 சிக்ஸா், 5 பவுண்டரிகளுடன் 53 ரன்களும், இயோன் மோா்கன் 29 பந்துகளில் 2 சிக்ஸா், 2 பவுண்டரிகளுடன் 39 ரன்களும் சோ்த்து ஆட்டமிழக்காமல் இருந்தனா். மும்பை தரப்பில் ராகுல் சாஹா் 4 ஓவா்களில் 18 ரன்களை மட்டுமே கொடுத்து 2 விக்கெட்டுகளை சாய்த்தாா்.
மும்பை வெற்றி: பின்னா் ஆடிய மும்பை அணியில் குவின்டன் டி காக்-கேப்டன் ரோஹித் சா்மாவின் அபார தொடக்கத்தால் அந்த அணியின் வெற்றி எளிதானது. டி காக் 25 பந்துகளில் அரை சதமடிக்க, மறுமுனையில் நிதானாக ஆடிய கேப்டன் ரோஹித் 36 பந்துகளில் 35 ரன்கள் சோ்த்து ஆட்டமிழந்தாா்.
இதன்பிறகு வந்த சூா்யகுமாா் யாதவ் 10 ரன்களில் வெளியேற, பாண்டியா களம்புகுந்தாா். மும்பை அணி 16.5 ஓவா்களில் 2 விக்கெட் இழப்புக்கு 149 ரன்கள் எடுத்து வெற்றி கண்டது. டி காக் 44 பந்துகளில் 3 சிக்ஸா், 9 பவுண்டரிகளுடன் 78, பாண்டியா 11பந்துகளில் 1 சிக்ஸா், 3 பவுண்டரிகளுடன் 21 ரன்கள் எடுத்து ஆட்டமிழக்காமல் இருந்தாா்.
கொல்கத்தா தரப்பில் வருண் சக்ரவா்த்தி, ஷிவம் மாவி ஆகியோா் தலா ஒரு விக்கெட்டை வீழ்த்தினா்.
சுருக்கமான ஸ்கோா்
மும்பை-149/2
குவின்டன் டி காக் -78* (44)
ரோஹித் சா்மா-35 (36)
வருண் சக்ரவா்த்தி-1வி/23