டி20 தரவரிசையில் முதலிடம் பெற்ற ஆஸ்திரேலிய அணி!

கடைசி ஆட்டத்தில் வெற்றி பெற்றதால் ஐசிசி டி20 தரவரிசையில் முதலிடத்தை மீண்டும் அடைந்துள்ளது ஆஸ்திரேலிய அணி.
டி20 தரவரிசையில் முதலிடம் பெற்ற ஆஸ்திரேலிய அணி!

இங்கிலாந்துக்கு எதிரான டி20 தொடரில் தோல்வியடைந்த போதிலும் கடைசி ஆட்டத்தில் வெற்றி பெற்றதால் ஐசிசி டி20 தரவரிசையில் முதலிடத்தை மீண்டும் அடைந்துள்ளது ஆஸ்திரேலிய அணி.

இங்கிலாந்து - ஆஸ்திரேலியா அணிகள் ஒருநாள், டி20 தொடர்களில் விளையாடுகின்றன. டி20 தொடர் செளதாம்ப்டனில் நடைபெற்றுள்ளன. ஒருநாள் தொடர் மான்செஸ்டரில் நடைபெறவுள்ளன. 

ஆஸ்திரேலியாவுக்கு எதிரான முதல் டி20 ஆட்டத்தை 2 ரன்கள் வித்தியாசத்தில் வெற்றி பெற்றது இங்கிலாந்து. 2-வது டி20 ஆட்டத்தை 6 விக்கெட் வித்தியாசத்தில் வென்று தொடரைக் கைப்பற்றியது.

3-வது டி20 ஆட்டத்தில் முதலில் விளையாடிய இங்கிலாந்து அணி 20 ஓவர்களில் 6 விக்கெட் இழப்புக்கு 145 ரன்கள் எடுத்தது. பிறகு விளையாடிய ஆஸ்திரேலிய அணி, 19.3 ஓவர்களில் 5 விக்கெட் இழப்புக்கு 146 ரன்கள் எடுத்து வெற்றி பெற்றது. எனினும் டி20 தொடரை 2-1 என இங்கிலாந்து வென்றுள்ளது.

முதல் இரு டி20 ஆட்டங்களில் வென்றதன் மூலம் டி20 தரவரிசையில் ஆஸ்திரேலியாவுக்கு இணையாக 273 புள்ளிகளைப் பெற்று முதலிடத்துக்கு முன்னேறியது இங்கிலாந்து அணி. 

இந்நிலையில் 3-வது டி20 ஆட்டத்தில் ஆறுதல் வெற்றியை அடைந்துள்ள ஆஸ்திரேலிய அணி, தற்போது 275 புள்ளிகளுடன் முதலிடத்தை மீண்டும் பிடித்துள்ளது. இங்கிலாந்து அணி 271 புள்ளிகளுடன் 2-ம் இடத்திலும் இந்திய அணி 266 புள்ளிகளுடன் 3-ம் இடத்திலும் உள்ளன.  

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com