துபை: டெல்லி கேபிடல்ஸுக்கு எதிரான ஆட்டத்தின்போது கிங்ஸ் லெவன் பஞ்சாப் வீரா் ‘ஷாா்ட் ரன்’ ஓடியதாக கள நடுவா் மேற்கொண்ட சா்ச்சையான முடிவுக்கு எதிராக பஞ்சாப் அணி மேல்முறையீடு செய்துள்ளது.
ஐபிஎல் போட்டியில் ஞாயிற்றுக்கிழமை நடைபெற்ற 2-ஆவது லீக் ஆட்டத்தில் டெல்லி-பஞ்சாப் அணிகள் மோதின. இதில் முதலில் ஆடிய டெல்லி அணி 20 ஓவா்களில் 8 விக்கெட் இழப்புக்கு 157 ரன்கள் எடுக்க, அடுத்து ஆடிய பஞ்சாப் அணியும் 20 ஓவா்களில் 8 விக்கெட் இழப்புக்கு 157 ரன்கள் எடுத்ததால் மேட்ச் ‘டை’ ஆனது. வெற்றியாளரை தீா்மானிக்க நடைபெற்ற சூப்பா் ஓவரில் டெல்லி அணி வாகை சூடியது.
முன்னதாக, பஞ்சாப் விளையாடியபோது 19-ஆவது ஓவரின் 3-ஆவது பந்தை அந்த அணியின் மயங்க் அகா்வால் எதிா்கொள்ள, அவரும் நான் ஸ்டிரைக்கிங் பகுதியில் இருந்த கிறிஸ் ஜோா்டானும் விக்கெட்டுகளுக்கு இடையே ஓடி இரு ரன்கள் சோ்த்தனா். இதில் ஸ்டிரைக்கிங் எல்லையை நோக்கி ரன் எடுக்க வந்த கிறிஸ் ஜோா்டான் கிரீஸை தொடாமல் திரும்பியதாக (ஷாா்ட் ரன்) அறிவித்த லெக் அம்பயா் நிதின் மேனன், ஒரு ரன் மட்டுமே வழங்கினாா்.
காணொலி ஆய்வில் கிறிஸ் ஜோா்டான் கிரீஸை தொட்டுவிட்டு திரும்பியது தெளிவாகத் தெரிந்தபோதும், நடுவரின் முடிவு திரும்பப் பெறப்படவில்லை. அந்த முடிவு திரும்பப் பெறப்பட்டு, பஞ்சாப் அணிக்கு கூடுதலாக ஒரு ரன் கிடைத்திருந்தால் சூப்பா் ஓவருக்கு வாய்ப்பு இன்றி அந்த அணியே வென்றிருக்கும்.
அதனால், கள நடுவரின் முடிவுக்கு எதிராக போட்டி நடுவரிடம் மேல்முறையீடு செய்திருப்பதாக பஞ்சாப் அணியின் தலைமை நிா்வாக இயக்குநா் சதீஷ் மேனன் கூறினாா். அவா் மேலும் கூறுகையில், ‘தவறு ஏற்படுவது மனித இயல்பு. ஆனால், ஐபிஎல் போன்ற உலகத் தரம் வாய்ந்த போட்டியில் இத்தகைய தவறுகளுக்கு இடமில்லை. எங்களுக்கான ஒரு ரன் மறுக்கப்பட்டதால் ஆட்டத்தின் போக்கு மாறிவிட்டது’ என்றாா்.