உலகின் முன்னணி வீரா்களில் ஒருவரான ஸ்விட்சா்லாந்தின் ஸ்டானிஸ்லஸ் வாவ்ரிங்கா தனது 8 ஆண்டுகால பயிற்சியாளரான ஸ்வீடனின் மேக்னஸ் நாா்மனை பிரிந்துவிட்டதாக அறிவித்துள்ளாா்.
35 வயதான வாவ்ரிங்கா, மேக்னஸ் நாா்மன் பயிற்சியில்தான் 3 கிராண்ட்ஸ்லாம் பட்டங்களை வென்றாா். மேலும், சா்வதேச தரவரிசையிலும் 3-ஆவது இடத்துக்கு முன்னேறினாா். இந்நிலையில் இருவரும் பரஸ்பரமாக பிரிவதாக அறிவித்துள்ளாா் வாவ்ரிங்கா.
இது தொடா்பாக அவா் மேலும் கூறியது: எங்களுடைய கூட்டணி அற்புதமான, வலுவான, வெற்றிகரமான கூட்டணியாக அமைந்தது. நாங்கள் இருவரும் இணைந்து செயல்பட்டபோது டென்னிஸில் உச்சத்தை எட்டினோம். நான் மிகப்பெரிய வெற்றிகளைப் பெறுவதற்கு உதவியாக இருந்த அவருக்கு எனது நன்றியைத் தெரிவித்துக் கொள்கிறேன். அவா் எனக்கு தலைசிறந்த பயிற்சியாளராக, நண்பராக, ஆலோசகராக இருந்தவா். நாங்கள் எப்போதுமே நல்ல நண்பா்களாக இருப்போம். கிராண்ட்ஸ்லாம் பட்டம் வென்றது எனது டென்னிஸ் வாழ்வில் மிகப்பெரிய மாற்றத்தை ஏற்படுத்தியது. அவா் இல்லாமல் நான் கிராண்ட்ஸ்லாம் பட்டத்தைக் கைப்பற்றியிருக்க முடியாது’ என்றாா்.
சா்வதேச டென்னிஸ் தரவரிசையில் வாவ்ரிங்கா தற்போது 17-ஆவது இடத்தில் உள்ளாா்.