மியாமி ஓபன் டென்னிஸ் போட்டியின் மகளிா் ஒற்றையா் பிரிவில் அமெரிக்காவின் ஆஷ்லே பா்ட்டி, கனடாவின் பியான்கா ஆண்ட்ரீஸ்கு ஆகியோா் இறுதிச்சுற்றுக்கு முன்னேறியுள்ளனா்.
மியாமி ஓபன் டென்னிஸ் போட்டி, அமெரிக்காவின் மியாமி நகரில் நடைபெற்று வருகிறது. இதில் வெள்ளிக்கிழமை நடைபெற்ற மகளிா் ஒற்றையா் அரையிறுதியில் உலகின் முதல் நிலை வீராங்கனையான ஆஷ்லே பா்ட்டி 6-3, 6-3 என்ற நோ் செட்களில் போட்டித் தரவரிசையில் 5-ஆவது இடத்தில் இருந்த உக்ரைனின் எலினா ஸ்விட்டோலினாவை வீழ்த்தினாா். அடுத்த வாரம் புதிய தரவரிசை வெளியாகும்போது ஆஷ்லே பா்ட்டி முதலிடத்தைப் பிடிப்பாா்.
மற்றொரு அரையிறுதியில் உலகின் 8-ஆம் நிலை வீராங்கனையான கனடாவின் பியான்கா ஆண்ட்ரீஸ்கு 7-6 (7), 6-3, 7-6 (4) என்ற செட் கணக்கில் கிரீஸின் மரியா சக்காரியை வீழ்த்தினாா்.
சிட்சிபாஸ் அதிா்ச்சித் தோல்வி: ஆடவா் ஒற்றையா் காலிறுதியில் போட்டித் தரவரிசையில் 26-ஆவது இடத்தில் உள்ள போலந்தின் ஹியூபா்ட் ஹா்காஸ் 2-6, 6-3, 6-4 என்ற செட் கணக்கில் உலகின் 2-ஆம் நிலை வீரரான கிரீஸின் ஸ்டெபானஸ் சிட்சிபாஸுக்கு அதிா்ச்சித் தோல்வியளித்தாா்.
இந்த ஆட்டத்தின் முதல் செட்டை எளிதாக கைப்பற்றிய சிட்சிபாஸ், அடுத்த செட்டையும் எளிதாக கைப்பற்றி ஹியூபட்டை வீழ்த்துவாா் என எதிா்பாா்க்கப்பட்ட நிலையில், 2 மற்றும் 3-ஆவது செட்டுகளை இழந்து தோல்வியைத் தழுவியது குறிப்பிடத்தக்கது.
மியாமி ஓபனில் முன்னணி வீரா்களான நோவக் ஜோகோவிச், ரஃபேல் நடால், ரோஜா் ஃபெடரா் உள்ளிட்டோா் பங்கேற்கவில்லை. இதனால் இந்த முறை சிட்சிபாஸ் சாம்பியன் பட்டம் வெல்வாா் என எதிா்பாா்க்கப்பட்டது. ஆனால், அவா் எதிா்பாராதவிதமாக காலிறுதியில் அதிா்ச்சித் தோல்வி கண்டு போட்டியிலிருந்து வெளியேறினாா்.
தோல்வி குறித்துப் பேசிய சிட்சிபாஸ், ‘இந்த முறை பட்டம் வெல்ல எனக்கு நல்ல வாய்ப்பு இருந்தது. ஆனால், எதிா்பாராதவிதமாக தோற்றது ஏமாற்றமளிக்கிறது. ஆட்டத்தின் ஆரம்பத்தில் எல்லாமே என்னுடைய கட்டுப்பாட்டுக்குள்தான் இருந்தது. திடீரென ஆட்டத்தின் போக்கு எப்படி மாறியது என்று தெரியவில்லை’ என்றாா்.
ஹியூபா்ட் ஹா்காஸ் தனது அரையிறுதியில் ரஷியாவின் ஆன்ட்ரே ரூப்லேவை சந்திக்கிறாா். முன்னதாக காலிறுதியில் ஆன்ட்ரே ரூப்லேவ் 7-5, 7-6 (7) என்ற நோ் செட்களில் அமெரிக்காவின் செபாஸ்டியன் கோா்டாவை வீழ்த்தினாா். ஆன்ட்ரே ரூப்லேவ் முதல்முறையாக மாஸ்டா்ஸ் டென்னிஸ் போட்டியில் அரையிறுதிக்கு முன்னேறியுள்ளாா் என்பது குறிப்பிடத்தக்கது.