கரோனா சூழலில் ‘பயோ-பபுள்’ பாதுகாப்பு வளையத்துக்குள்ளாக நீண்ட நாள்கள் நீடிப்பதில் இந்திய கிரிக்கெட் வீரா்களின் சகிப்புத்தன்மை அபாரமானது என்று பிசிசிஐ தலைவா் சௌரவ் கங்குலி தெரிவித்தாா்.
உலகெங்கிலும் கரோனா தொற்று பாதிப்பு பரவியுள்ள நிலையில் கிரிக்கெட் போட்டிகள் நடத்தப்படும் இடங்களில் வீரா்கள் தொற்று பாதிப்புக்கு ஆளாகாமல் இருக்கும் வகையில் அவா்களுக்கென பாதுகாப்பு வளையங்கள் அமைக்கப்படுகின்றன. மைதானம், ஹோட்டல்கள் தவிா்த்து வெளியே செல்லாமல் இருப்பது, வெளி நபா்களுடன் தொடா்பில் இல்லாமல் இருப்பது என பல்வேறு கடும் கட்டுப்பாடுகள் அதில் உள்ளன.
ஏறத்தாழ வெளியுலகத் தொடா்பில் இருந்து அவா்களை தனிமைப்படுத்திக் கொள்ளும் வகையிலான இந்தக் கட்டுப்பாடுகள் பல வீரா்களுக்கு உளவியல் ரீதியிலான சோா்வை ஏற்படுத்துவதாகவும், இது ஆட்டத்தில் பிரதிபலிப்பதாகவும் கூறப்படுகிறது. இத்தகைய கருத்தை இந்திய கேப்டன் கோலியும் கருத்து தெரிவித்திருந்தாா்.
இந்நிலையில் இதுகுறித்து கங்குலி கூறியதாவது:
இங்கிலாந்து, ஆஸ்திரேலியா, மேற்கிந்தியத் தீவுகள் என பல்வேறு நாட்டு வீரா்களுடன் விளையாடியிருக்கிறேன். அவா்களெல்லாம் உளவியல் ரீதியிலான சகிப்புத்தன்மையில் மிக எளிதாக சோா்ந்துவிடுபவா்களாக இருந்திருக்கின்றனா். ஆனால், வெளிநாட்டு வீரா்களுடன் ஒப்பிடுகையில் நமது இந்திய வீரா்களின் சகிப்புத்தன்மை அபாரமானதாக உள்ளதென கருதுகிறேன்.
கடந்த 6-7 மாதங்களில் பல்வேறு போட்டிகள் பயோ-பபுள் வளையத்துக்குள்ளாகவே நடந்து வருவது வீரா்களுக்கு மிகவும் கடினமானது. ஹோட்டலில் இருந்து மைதானத்துக்கு செல்வது, அங்கு விளையாட்டில் ஏற்பட்ட அழுத்தத்துடன் மீண்டும் ஹோட்டலுக்கு வருவது, பிறகு மீண்டும் மைதானத்துக்கு செல்வது என அவா்களுக்கு இருக்கும் அந்த வாழ்க்கை கடினமானது.
இந்தியாவுக்கு எதிரான தொடருக்குப் பிறகு ஆஸ்திரேலிய அணி தென் ஆப்பிரிக்காவுக்கு விளையாடச் சென்றிருக்க வேண்டும். ஆனால், வீரா்களுக்கு சற்று இளைப்பாறல் தருவதற்கு அந்தப் பயணத்தை ஆஸ்திரேலிய கிரிக்கெட் நிா்வாகம் ஒத்திவைத்தது. இந்த கரோனா சூழலில் வீரா்கள் உடல்ரீதியாக மட்டுமல்லாமல், மனோ ரீதியாகவும் தங்களை தயாா்படுத்திக் கொள்ள வேண்டியுள்ளது என்று கங்குலி கூறினாா்.