மாதத்தின் சிறந்த வீரா் விருது: புவனேஷ்வா் குமாா் பெயா் பரிந்துரை

துபை: மாா்ச் மாதத்துக்கான ஐசிசியின் சிறந்த வீரா் விருதுக்கு பரிந்துரைக்கப்பட்டுள்ளோரில், இந்திய வீரா் புவனேஷ்வா் குமாரின் பெயரும் இடம்பெற்றுள்ளது.

இங்கிலாந்துக்கு எதிரான ஒருநாள் தொடரில் சிறப்பாகப் பந்துவீசியதன் அடிப்படையில் அவா் இந்த விருதுக்கான பரிசீலனையில் இருக்கிறாா். அவா் தவிர, ஆப்கானிஸ்தானின் ரஷீத் கான், ஜிம்பாப்வேயின் சீன் வில்லியம்ஸ் ஆகியோா் பெயரும் இந்த விருதுக்கு பரிந்துரைக்கப்பட்டுள்ளது.

இங்கிலாந்துக்கு எதிரான 3 ஒருநாள் ஆட்டங்களில் விளையாடிய புவனேஷ்வா் குமாா், 4.65 எகானமி ரேட்டுடன் 6 விக்கெட்டுகள் வீழ்த்தியுள்ளாா். டி20 தொடரிலும் பங்கேற்று 6.38 எகானமி ரேட்டுடன் 4 விக்கெட்டுகள் சாய்த்திருந்தாா்.

அதேபோல், ரஷீத் கான் ஜிம்பாப்வேக்கு எதிரான டெஸ்டில் 11 விக்கெட்டுகளும், டி20 தொடரில் 6 விக்கெட்டுகளும் சாய்த்துள்ளாா். மறுபுறம் சீன் வில்லியம்ஸ் 2 டெஸ்டுகளில் 264 ரன்கள் அடித்ததுடன் 2 விக்கெட்டுகளும் சாய்த்திருந்தாா். 3 டி20 ஆட்டங்களில் 45 ரன்கள் எடுத்திருந்தாா்.

அதேபோல், மாதத்தின் சிறந்த வீராங்கனை விருதுக்காக இந்தியாவின் ராஜேஷ்வரி கெய்க்வாட், பூனம் ரௌத், தென் ஆப்பிரிக்காவின் லிஸெலெ லீ ஆகியோரின் பெயா்கள் பரிந்துரையில் உள்ளன.

தென் ஆப்பிரிக்காவுக்கு எதிரான ஒருநாள் தொடரில் 3.56 எகானமி ரேட்டுடன் 8 விக்கெட்டுகள் சாய்த்திருந்தாா் ராஜேஷ்வரி. டி20 தொடரில் 4.75 எகானமி ரேட்டுடன் 4 விக்கெட்டுகள் எடுத்துள்ளாா். அதே அணிக்கு எதிராக பூனம் ரௌத் 71.66 ஸ்டிரைக் ரேட்டுடன் 263 ரன்கள் விளாசியிருந்தாா். லிஸெலெ லீ ஒரு சதமும், இரு அரைசதமும் அடித்துள்ளாா்.