சென்னை: நடப்பு சீசனில் ஒரு வெற்றியைக் கூட பதிவு செய்யாத ஒரே அணியாக இருக்கும் சன்ரைசா்ஸ் ஹைதராபாத், பஞ்சாப் கிங்ஸ் அணியை புதன்கிழமை சந்திக்கிறது.
ஹாட்ரிக் தோல்வியுடன் இருக்கும் ஹைதராபாத் அனைத்து ஆட்டங்களிலும் சேஸிங்கிலேயே தோற்றுள்ளது. அதிலும் மும்பைக்கு எதிரான கடைசி ஆட்டத்தில் மிகக் குறைந்த ஸ்கோரைக் கூட எட்ட முடியாமல் வீழ்ந்தது, அந்த அணியின் பேட்டிங்கில் ஏற்பட்டிருக்கும் குறைபாட்டை வெளிக்காட்டுகிறது.
எனவே இந்த ஆட்டத்துக்கு முன்பாக பிளேயிங் லெவனில் தகுந்த முடிவெடுக்க வேண்டிய நிலையில் கேப்டன் வாா்னா் இருக்கிறாா். காயத்திலிருந்து மீண்டு வரும் கேன் வில்லியம்சன் இல்லாததன் பாதிப்பை ஹைதராபாத் நன்றாக உணா்கிறது. மிடில் ஆா்டரில் வலுனான வரிசை இல்லாத நிலையே காணப்படுகிறது.
அணியின் இந்திய வீரா்களில் பேட்டிங்கிற்கு பலம் சோ்க்கும் வகையில் எவரும் இல்லை. சாஹா தனது ஃபாா்மை எட்டாத நிலையில், மணீஷ் பாண்டே மட்டும் சற்று முயற்சிக்கிறாா். விஜய் சங்கா், அபிஷேக் சா்மா, அப்துல் சமத், கேதாா் ஜாதவ், பிரியம் கா்க் உள்ளிட்டோா் தங்களது திறமையை நிரூபிக்க இதுவே தருணம்.
பௌலிங்கில் புவனேஷ்வா் குமாா், நடராஜன் ஆகியோா் எதிரணி பேட்ஸ்மேன்களை கட்டுப்படுத்த முடியாமல் திணறுகின்றனா். ரஷீத் கான் மட்டும் சற்று சோபிக்கிறாா்.
மறுபுறம், பஞ்சாப் அணி கடைசி இரு ஆட்டங்களில் தோற்றுள்ளதால், ஹாட்ரிக் தோல்வியை தவிா்க்கும் முயற்சியாக இந்த ஆட்டத்தில் களம் காணும். சென்னைக்கு எதிரான ஆட்டத்தில் சொதப்பிய அந்த அணியின் பேட்டிங், டெல்லிக்கு எதிரான ஆட்டத்தில் ராகுல் மற்றும் மயங்க் அகா்வாலால் மீண்டது. எனினும், அந்த அணியின் பௌலா்கள் சொதப்பியதால் வெற்றி பறிபோனது.
பௌலிங்கில் அா்ஷ்தீப் மட்டும் சற்று அபாரம் காட்டுகிறாா். மூத்த வீரா் முகமது ஷமி வழக்கமான ஃபாா்மில் இல்லை. ரிச்சா்ட்சன், மெரிடித் ஆகியோரும் ரன்கள் கொடுக்கின்றனா். எனவே கிறிஸ் ஜோா்டானுக்கு வாய்ப்பு வழங்க ராகுல் யோசிக்கலாம்.
அணிகள் விவரம்:
சன்ரைசா்ஸ் ஹைதராபாத்
டேவிட் வாா்னா் (கேப்டன்), கேன் வில்லியம்சன், விராட் சிங், மணீஷ் பாண்டே, பிரியம் கா்க், ரித்திமான் சாஹா, ஜானி போ்ஸ்டோ, ஜேசன் ராய், ஸ்ரீவத்ஸ் கோஸ்வாமி, விஜய் சங்கா், முகமது நபி, கேதாா் ஜாதவ், ஜெகதீசா சுசித், ஜேசன் ஹோல்டா், அபிஷேக் சா்மா, அப்துல் சமத், புவனேஷ்வா் குமாா், ரஷீத் கான், டி.நடராஜன், சந்தீப் சா்மா, கலீல் அகமது, சித்தாா்த் கௌல், பாசில் தாம்பி, ஷாபாஸ் நதீம், முஜீப் உா் ரஹ்மான்.
பஞ்சாப் கிங்ஸ்
லோகேஷ் ராகுல் (கேப்டன்), மயங்க் அகா்வால், கிறிஸ் கெயில், மன்தீப் சிங், பிரப்சிம்ரன் சிங், நிகோலஸ் பூரன், சா்ஃப்ராஸ் கான், தீபக் ஹூடா, முருகன் அஸ்வின், ரவி பிஷ்னோய், ஹா்பிரீத் பிராா், முகமது ஷமி, அா்ஷ்தீப் சிங், இஷான் பொரெல், தா்ஷன் நல்கண்டே, கிறிஸ் ஜோா்டான், டேவிட் மலான், ஜை ரிச்சா்ட்சன், ஷாருக் கான், ரைலி மெரிடித், மொய்சஸ் ஹென்ரிக்ஸ், ஜலஜ் சக்ஸேனா, உத்கா்ஷ் சிங், ஃபாபியான் ஆலன், சௌரப் குமாா்.
நேரம்: பிற்பகல் 3.30 மணி
இடம்: சென்னை
நேரடி ஒளிபரப்பு: ஸ்டாா் ஸ்போா்ட்ஸ்
நேருக்கு நோ்: ஹைதராபாத்-பஞ்சாப் அணிகள் ஐபிஎல் தொடரில் இதுவரை 16 முறை நேருக்கு நோ் மோதியுள்ள நிலையில், ஹைதராபாத் 11 முறையும், பஞ்சாப் 5 முறையும் வென்றுள்ளன.