Enable Javscript for better performance
Rohit Sharma scores his highest overseas, but fails to get century- Dinamani

சுடச்சுட

    அந்நிய மண்ணில் ஆறு ஆண்டுகளுக்குப் பிறகு அதிகபட்ச ஸ்கோர்: இது ரோஹித் கதை

    By DIN  |   Published on : 12th August 2021 10:28 PM  |   அ+அ அ-   |    |  

    Rohit Sharma scores his highest overseas, but fails to get century


    இங்கிலாந்துடனான இரண்டாவது டெஸ்ட் ஆட்டத்தில் 83 ரன்கள் எடுத்த ரோஹித் சர்மா, அந்நிய மண்ணில் ஆறு ஆண்டுகளுக்குப் பிறகு புதிய அதிகபட்ச ஸ்கோரைப் பதிவு செய்துள்ளார்.

    இங்கிலாந்து, இந்தியா அணிகளுக்கிடையிலான 2-வது டெஸ்ட் ஆட்டம் லார்ட்ஸ் மைதானத்தில் தொடங்கி நடைபெற்று வருகிறது. டாஸ் வென்ற இங்கிலாந்து கேப்டன் ஜோ ரூட் முதலில் பந்துவீச்சைத் தேர்வு செய்தார்.

    தொடக்க ஆட்டக்காரர்களாகக் களமிறங்கிய ரோஹித் சர்மா மற்றும் கேஎல் ராகுல் இந்த முறையும் இந்தியாவுக்குப் பிரமாதமான தொடக்கத்தைத் தந்தனர். ராகுல் நிதானம் காட்ட, ரோஹித் அவ்வப்போது பவுண்டரிகள் அடித்து ரன்களை உயர்த்தி வந்தார். இதன்மூலம், இந்த இணை முதல் விக்கெட்டுக்கு 100 ரன்களைக் கடந்தது.

    இதையும் படிக்கஆண்டர்சனின் மேஜிக்கால் சதத்தை நழுவவிட்ட ரோஹித் (விடியோ)

    ரோஹித் சர்மாவே ரன் குவிப்பில் ஆதிக்கம் செலுத்தியதால், முதல் 100 ரன்களில் அவர் மட்டுமே 75 ரன்களை எடுத்திருந்தார். தொடர்ந்து, சிறப்பான ஆட்டத்தை வெளிப்படுத்திய அவர் 80 ரன்களைக் கடந்து சதத்தை நோக்கி விளையாடி வந்தார். ஆனால், 83 ரன்களுக்கு ஜேம்ஸ் ஆண்டர்சன் பந்தில் அவர் ஆட்டமிழந்தார்.

    சரியாக ஆறு ஆண்டுகளுக்கு முன்பு ஆகஸ்ட் 2015-இல் இலங்கைக்கு எதிரான டெஸ்ட் தொடரில் கொழும்பில் 79 ரன்கள் எடுத்ததே டெஸ்ட் கிரிக்கெட்டில் அந்நிய மண்ணில் அவரது அதிகபட்ச ஸ்கோராக இருந்தது. அதற்கு முன்பு நியூசிலாந்துக்கு எதிராக ஆக்லாந்தில் 2014-இல் 72 ரன்கள் எடுத்திருந்தார். ஆனால், இவை அனைத்தும் நடுவரிசையில் களமிறங்கி அடித்தது.

    இந்த நிலையில், அந்நிய மண்ணில் புதிய அதிகபட்ச ஸ்கோரை 6 ஆண்டுகளுக்குப் பிறகு பதிவு செய்துள்ளார் ரோஹித் சர்மா.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp