பாகிஸ்தானில் இங்கிலாந்து அணி விளையாடவுள்ள டி20 தொடரின் அட்டவணை வெளியிடப்பட்டுள்ளது.
ஐக்கிய அரபு அமீரகத்தில் நடைபெறவுள்ள டி20 உலகக் கோப்பைக்கு முன்பு பாகிஸ்தானில் இரு ஆட்டங்கள் கொண்ட டி20 தொடரில் இங்கிலாந்து அணி விளையாடவுள்ளது. 16 வருடங்கள் கழித்து பாகிஸ்தானுக்குச் சுற்றுப்பயணம் செய்கிற இங்கிலாந்து அணி அடுத்த வருடமும் வருகை தந்து டெஸ்ட் தொடரில் விளையாடுகிறது.
இங்கிலாந்து - பாகிஸ்தான் அணிகள் மோதும் டி20 ஆட்டங்கள் அக்டோபர் 13, 14 தேதிகளில் ராவல்பிண்டியில் நடைபெறவுள்ளன. இதன்பிறகு இரு அணிகளும் டி20 உலகக் கோப்பையில் விளையாட துபைக்குப் புறப்பட்டுச் செல்லவுள்ளன.
ஆடவர் அணியுடன் சேர்ந்து இங்கிலாந்து மகளிர் அணியும் பாகிஸ்தானுக்குச் சுற்றுப்பயணம் செய்து இரு டி20 ஆட்டங்களிலும் மூன்று ஆட்டங்கள் கொண்ட ஒருநாள் தொடரிலும் பங்கேற்கிறது.