ஷாஹீன் அப்ரிடி அசத்தல் பந்துவீச்சு: மே.இ. தீவுகள் அணிக்கு எதிரான டெஸ்ட் தொடரை சமன் செய்த பாகிஸ்தான்

மேற்கிந்தியத் தீவுகள் அணிகளுக்கு எதிரான 2-வது டெஸ்டை வென்று டெஸ்ட் தொடரை சமன் செய்துள்ளது பாகிஸ்தான்.
ஷாஹீன் ஷா அப்ரிடி (வலது)
ஷாஹீன் ஷா அப்ரிடி (வலது)

மேற்கிந்தியத் தீவுகள் அணிகளுக்கு எதிரான 2-வது டெஸ்டை வென்று டெஸ்ட் தொடரை சமன் செய்துள்ளது பாகிஸ்தான்.

கிங்ஸ்டனில் நடைபெற்ற டெஸ்டில் முதலில் விளையாடிய பாகிஸ்தான் அணி முதல் இன்னிங்ஸில் 9 விக்கெட் இழப்புக்கு 302 ரன்கள் எடுத்து டிக்ளேர் செய்தது. ஃபவாத் அலாம் 124 ரன்கள் எடுத்தார். மே.இ. தீவுகள் அணி முதல் இன்னிங்ஸில் 150 ரன்களுக்குச் சுருண்டது. ஷாஹீன் ஷா அப்ரிடி 6 விக்கெட்டுகளை வீழ்த்தி அசத்தினார். பாகிஸ்தான் அணி 2-வது இன்னிங்ஸில் விரைவாக ரன்கள் எடுத்தது. 27.2 ஓவர்களில் 6 விக்கெட் இழப்புக்கு 176 ரன்கள் எடுத்து டிக்ளேர் செய்தது. இதனால் 2-வது டெஸ்டை வெற்றி பெற மேற்கிந்தியத் தீவுகள் அணிக்கு 329 ரன்கள் இலக்கு நிர்ணயிக்கப்பட்டது.

கடினமான சவாலை எதிர்கொண்ட மே.இ. தீவுகள் அணி 4-ம் நாள் முடிவில் 19 ஓவர்களில் 1 விக்கெட் இழப்புக்கு 49 ரன்கள் எடுத்தது. கிரைக் பிராத்வெயிட் 17, அல்ஸாரி ஜோசப் 8 ரன்களுடன் களத்தில் இருந்தார்கள்.

எனினும் கடைசி நாளில் மே.இ. தீவுகள் அணி, 219 ரன்களுக்கு அனைத்து விக்கெட்டுகளையும் இழந்தது. ஜேசன் ஹோல்டர் 47 ரன்கள் எடுத்தார். ஷாஹீன் ஷா அப்ரிடி 2-வது இன்னிங்ஸிலும் சிறப்பாகப் பந்துவீசி 4 விக்கெட்டுகளை வீழ்த்தினார். 2-வது டெஸ்டை 109 ரன்கள் வித்தியாசத்தில் வென்ற பாகிஸ்தான் 2 ஆட்டங்கள் கொண்ட டெஸ்ட்  தொடரை 1-1 என சமன் செய்தது. ஆட்ட நாயகன் மற்றும் தொடர் நாயகன் விருதை ஷாஹீன் ஷா அப்ரிடி வென்றார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com