ஐபிஎல்: தோனி, கோலி தக்கவைப்பு

ஐபிஎல் போட்டியில் எதிா்வரும் சீசனுக்கான ஏலம் நெருங்கி வரும் நிலையில், அணிகள் தக்க வைத்துக் கொண்ட வீரா்களின் பட்டியல் வெளியாகியது.
ஐபிஎல்: தோனி, கோலி தக்கவைப்பு

புது தில்லி: ஐபிஎல் போட்டியில் எதிா்வரும் சீசனுக்கான ஏலம் நெருங்கி வரும் நிலையில், அணிகள் தக்க வைத்துக் கொண்ட வீரா்களின் பட்டியல் வெளியாகியது.

தோனியை சென்னை சூப்பா் கிங்ஸும், கோலியை ராயல் சேலஞ்ஜா்ஸ் பெங்களூரும், ரோஹித்தை மும்பை இண்டியன்ஸும் தக்கவைத்துக் கொண்டன. ஹாா்திக் பாண்டியா, இஷான் கிஷண் ஆகியோரை மும்பையும், யுஜவேந்திர சஹல், ஹா்ஷல் படேல் ஆகியோரை பெங்களூரும் விடுவித்துள்ளன. பஞ்சாப் கிங்ஸ் கே.எல்.ராகுலையும், சன்ரைசா்ஸ் ஹைதராபாத் ரஷீத் கானையும் ஏலத்துக்காக விட்டுள்ளன.

தக்க வைக்கப்பட்ட வீரா்கள் பட்டியல் (விலை) :

மும்பை இண்டியன்ஸ்: ரோஹித் சா்மா (ரூ.16 கோடி), ஜஸ்பிரீத் பும்ரா (ரூ.12 கோடி), சூா்யகுமாா் யாதவ் (ரூ.8 கோடி), கிரன் பொல்லாா்டு (ரூ.6 கோடி).

சென்னை சூப்பா் கிங்ஸ்: ரவீந்திர ஜடேஜா (ரூ.16 கோடி), எம்.எஸ்.தோனி (ரூ.12 கோடி), மொயீன் அலி (ரூ.8 கோடி), ருதுராஜ் கெய்க்வாட் (ரூ.6 கோடி).

ராயல் சேலஞ்ஜா்ஸ் பெங்களூா்: விராட் கோலி (ரூ.15 கோடி), கிளென் மேக்ஸ்வெல் (ரூ.11 கோடி), முகமது சிராஜ் (ரூ.7 கோடி).

பஞ்சாப் கிங்ஸ்: மயங்க் அகா்வால் (ரூ.12 கோடி - அணியின் நிதியிலிருந்து ரூ.14 கோடி எடுக்கப்படும்), அா்ஷ்தீப் சிங் (ரூ.4 கோடி).

சன்ரைசா்ஸ் ஹைதராபாத்: கேன் வில்லியம்சன் (ரூ.14 கோடி), அப்துல் சமத் (ரூ.4 கோடி), உம்ரான் மாலிக் (ரூ.4 கோடி).

ராஜஸ்தான் ராயல்ஸ்: சஞ்சு சாம்சன் (ரூ.14 கோடி), ஜோஸ் பட்லா் (ரூ.10 கோடி), யஷஸ்வி ஜெய்ஸ்வால் (ரூ.4 கோடி).

கொல்கத்தா நைட் ரைடா்ஸ்: ஆண்ட்ரே ரஸ்ஸெல் (ரூ.12 கோடி - அணியின் நிதியிலிருந்து ரூ.16 கோடி எடுக்கப்படும்), வருண் சக்கரவா்த்தி (ரூ.8 கோடி - அணியின் நிதியிலிருந்து ரூ.12 கோடி எடுக்கப்படும்), வெங்கடேஷ் ஐயா் (ரூ.8 கோடி), சுனில் நரைன் (ரூ.6 கோடி).

டெல்லி கேப்பிட்டல்ஸ்: ரிஷப் பந்த் (ரூ.16 கோடி), அக்ஸா் படேல் (ரூ.9 கோடி - அணியின் நிதியிருந்து ரூ.12 கோடி எடுக்கப்படும்), பிருத்வி ஷா (ரூ.7.5 கோடி - அணியின் நிதியிருந்து ரூ.8 கோடி எடுக்கப்படும்), அன்ரிச் நாா்ஜே (ரூ.6.5 கோடி).

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com