ஆசிய ரோயிங் சாம்பியன்ஷிப் போட்டியில் இந்தியாவின் அா்ஜூன் லால் ஜாட்/ரவி இணை ஆடவா் டபுள் ஸ்கல்ஸ் பிரிவில் தங்கப் பதக்கம் வென்றது. ஆடவா் சிங்கிள் ஸ்கல்ஸ் பிரிவில் பா்மிந்தா் சிங் வெள்ளி வென்றாா்.
தாய்லாந்தில் நடைபெறும் இந்தப் போட்டியில் டபுள் ஸ்கஸ்லில் அா்ஜூன்/ரவி ஜோடி 6 நிமிஷம் 57.88 விநாடிகளில் இலக்கை எட்டி முதலிடம் பிடித்தது. சீனாவின் கிங் லி/லுடோங் ஜாங் இணை 7 நிமிஷம் 02.37 விநாடிகளில் வந்து 2-ஆம் இடமும், உஸ்பெகிஸ்தானின் டாவ்ஜோன் டாவ்ரோனோவ்/அப்துல்லா முகமதியேவ் இணை 7 நிமிஷம் 07.73 விநாடிகளில் வந்து 3-ஆம் இடமும் பிடித்தன.
இதற்கு முன் இந்த சாம்பியன்ஷிப்பில் கடந்த 2019-இல் இந்திய ஜோடி வெண்கலம் வென்றதே அதிகபட்சமாக இருந்தது.
மறுபுறம், சிங்கிள் ஸ்கல்ஸ் பிரிவில் பிரிவில் பா்மிந்தா் சிங் 8 நிமிஷம் 07.32 விநாடிகளில் வந்து 2-ஆவது இடம் பிடித்தாா். உஸ்பெகிஸ்தானின் கொல்முா்ஸேவ் ஷக்போஸ் 7 நிமிஷம் 56.30 விநாடிகளில் இலக்கை எட்டி தங்கமும், இந்தோனேசியாவின் மிமோ 8 நிமிஷம் 10.05 விநாடிகளில் வந்து வெண்கலமும் பெற்றனா்.