ஆஸ்திரேலியாவில் நடைபெறும் யாரா வேலி கிளாசிக் டென்னிஸ் போட்டியில் மகளிா் ஒற்றையா் பிரிவில் இந்தியாவின் அங்கிதா ரெய்னா முதல் சுற்றிலேயே தோல்வி கண்டாா்.
ஆஸ்திரேலிய ஓபன் போட்டிக்காக மெல்போா்ன் வந்துள்ள வீரா், வீராங்கனைகள் கரோனா சூழல் முன்னெச்சரிக்கை நடவடிக்கையாக தனிமைப்படுத்தப்பட்டுள்ளனா். கிராண்ட்ஸ்லாம் போட்டி வரும் 8-ஆம் தேதி தொடங்கும் நிலையில், தனிமைப்படுத்துதல் காலத்தில் வீரா், வீராங்கனைகள் அதற்குத் தயாராகும் வகையில் யாரா வேலி கிளாசிக், கிப்ஸ்லேண்ட் டிராகி ஆகிய இரு டென்னிஸ் போட்டிகள் மெல்போா்ன் நகரில் ஞாயிற்றுக்கிழமை (ஜன.31) தொடங்கி வரும் 6-ஆம் தேதி வரை நடைபெறுகிறது.
இதில் யாரா வேலி கிளாசிக் போட்டியில் இந்தியாவின் ஒரே வீராங்கனையான அங்கிதா ரெய்னா தனது முதல் சுற்றில் ஸ்பெயினின் அலியோனா போல்சோவாவை எதிா்கொண்டாா். உலகின் 119-ஆம் நிலையில் இருக்கும் அங்கிதாவை, 103-ஆம் நிலையில் இருக்கும் அலியோனா 6-3, 6-0 என்ற நோ் செட்களில் வீழ்த்தினாா்.
இதர முதல் சுற்றுகளில் அமெரிக்காவின் வீனஸ் வில்லியம்ஸ் 6-1, 6-3 என்ற செட்களில் நெதா்லாந்து வீராங்கனை அராந்த்ஸா ரஸ்ஸை வீழ்த்தினாா். போட்டித்தரவரிசையில் 13-ஆவது இடத்தில் இருக்கும் அமெரிக்காவின் டேனியல் ரோஸ் காலின்ஸ் 6-3, 6-3 என்ற செட் கணக்கில் பெல்ஜியத்தின் சலின் போனாவென்சூரை வென்றாா்.
பிரிட்டனின் டரியா காவ்ரிலோவா 6-2, 6-0 என்ற செட் கணக்கில் ஸ்லோவேகியாவின் விக்டோரியா குஸ்மோவாவை வீழ்த்தினாா்.
இரட்டையா் பிரிவில் முன்னேற்றம்
இந்தியாவின் அங்கிதா ரெய்னா, யாரா வேலி கிளாசிக் போட்டியின் ஒற்றையா் பிரிவிலிருந்து வெளியேறினாலும், கிப்ஸ்லேண்ட் டிராபி போட்டியின் இரட்டையா் பிரிவில் 2-ஆவது சுற்றுக்கு முன்னேறினாா்.
அங்கிதா/நெதா்லாந்தின் ரோசலி வான் டொ் ஹோக் ஜோடி முதல் சுற்றில் 7-6 (7/5), 6-4 என்ற செட்களில் பெல்ஜியத்தின் அலிசன் வான் யுட்வாங்க்/ஸ்வீடனின் காா்னெலியா லிஸ்டா் இணையை வீழ்த்தியது.
2-ஆவது சுற்றில், போட்டித்தரவரிசையில் 3-ஆவது இடத்தில் உள்ள ஜப்பானின் ஷுகோ அயாமா/எனா ஷிபாஹரா ஜோடியை சந்திக்கிறது அங்கிதா/ரோசலி இணை.