ஆல்ரவுண்டர் யூசுப் பதானின் மறக்க முடியாத சாதனைகள்!

கிரிக்கெட் ஆடுகளத்தில் மறக்க முடியாத பல அதிரடி ஆட்டங்களை வெளிப்படுத்திய யூசுப் பதான்...
ஆல்ரவுண்டர் யூசுப் பதானின் மறக்க முடியாத சாதனைகள்!

கிரிக்கெட் ஆடுகளத்தில் மறக்க முடியாத பல அதிரடி ஆட்டங்களை வெளிப்படுத்திய யூசுப் பதான், ஓய்வு அறிவிப்பை நேற்று வெளியிட்டார்.

38 வயது யூசுப் பதான், 57 ஒருநாள், 22 டி20 ஆட்டங்களில் இந்திய அணிக்காக விளையாடியுள்ளார். 2008-ல் சர்வதேச கிரிக்கெட்டுக்கு அறிமுகமான யூசுப் பதான், 2012-ல் கடைசியாக விளையாடினார். 100 முதல்தர ஆட்டங்களில் விளையாடியுள்ளார். ஒருநாள் கிரிக்கெட்டில் 2 சதங்கள் மற்றும் 3 அரை சதங்கள் எடுத்துள்ளார். ஒருநாள் கிரிக்கெட்டில் 33 விக்கெட்டுகளும் டி20யில் 13 விக்கெட்டுகளும் எடுத்துள்ளார். 

ஐபிஎல் போட்டியில் முக்கியமான வீரராக இருந்த யூசுப் பதான், 2010-ல் மும்பைக்கு எதிராக 37 பந்துகளில் சதமடித்தார். ஐபிஎல் போட்டியின் 2-வது அதிவேக சதம் அது. இந்திய வீரர்களில் முதலிடம். கடைசியாக 2019-ல் சன்ரைசர்ஸ் அணிக்காக விளையாடினார். ஐபிஎல் போட்டியில் 174 ஆட்டங்களில் 3204 ரன்களும் 42 விக்கெட்டுகளும் எடுத்துள்ளார். ராஜஸ்தான் அணிக்காக 2007-லிலும் கேகேஆர் அணிக்காக 2012 மற்றும் 2014-லிலும் ஐபிஎல் பட்டங்களை வென்றுள்ளார். 

அதிரடியாக விளையாடி பல்வேறு சாதனைகளை நிகழ்த்தியுள்ளார் யூசுப் பதான். அதன் தொகுப்பு:

* 2011 உலகக் கோப்பையை வென்ற இந்திய அணியில் யூசுப் பதானும் இடம்பெற்றிருந்தார்.

* 2007 டி20 உலகக் கோப்பையை வென்ற இந்திய அணியில் யூசுப் பதானும் இடம்பெற்றிருந்தார்.

* மூன்று முறை ஐபிஎல் கோப்பையை வென்றுள்ளார். (ஒருமுறை ராஜஸ்தானுக்காகவும் இருமுறை கொல்கத்தாவுக்காகவும்) 

* 2008 ஐபிஎல் போட்டியின் இறுதிச்சுற்றில் 39 பந்துகளில் 56 ரன்கள் எடுத்து ஆட்ட நாயகன் விருது வென்றார்.

* ஐபிஎல் போட்டியின் குறைந்த பந்துகளில் சதமடித்த இந்திய வீரர் (37 பந்துகள்)

* ஐபிஎல் போட்டியில் குறைந்த பந்துகளில் அரை சதமெடுத்த வீரர்களில் 2-ம் இடம் (15 பந்துகள்).

* தென் ஆப்பிரிக்காவில் குறைந்த பந்துகளில் சதமடித்த இந்திய வீரர் (68 பந்துகள்)

* முதல்தர கிரிக்கெட்டில் குறைந்த பந்துகளில் சதமடித்த இந்திய வீரர்களில் 2-ம் இடம் (51 பந்துகள்)

* ஒருநாள் கிரிக்கெட்டில் 43 சிக்ஸர்களும் டி20 கிரிக்கெட்டில் 17 சிக்ஸர்களும் அடித்துள்ளார். ஐபிஎல் போட்டியில் 158 சிக்ஸர்கள் அடித்துள்ளார். 

* ஐபிஎல் போட்டியில் 16 முறை ஆட்ட நாயகன் விருதுகளை வென்றுள்ளார். இந்திய வீரர்களில் 3-ம் இடம்.

* 2009-10 துலீப் கோப்பை இறுதிச்சுற்றில் 536 ரன்களை விரட்டியபோது ஆட்டமிழக்காமல் 210 ரன்கள் எடுத்து அசத்தினார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com