Enable Javscript for better performance
டெஸ்ட் தொடரை முழுமையாக வென்றது தென் ஆப்பிரிக்கா: கடைசி ஆட்டத்திலும் இலங்கை தோல்வி- Dinamani

சுடச்சுட

    

    டெஸ்ட் தொடரை முழுமையாக வென்றது தென் ஆப்பிரிக்கா: கடைசி ஆட்டத்திலும் இலங்கை தோல்வி

    By DIN  |   Published on : 06th January 2021 02:22 AM  |   அ+அ அ-   |    |  

    sa

    டெஸ்ட் தொடரை வென்றதற்கான கோப்பையுடன் தென் ஆப்பிரிக்க கேப்டன் குவிண்டன் டி காக்.

    இலங்கைக்கு எதிரான 2-ஆவது டெஸ்ட் கிரிக்கெட்டில் தென் ஆப்பிரிக்கா 10 விக்கெட்டுகள் வித்தியாசத்தில் வெற்றி பெற்றது.

    ஏற்கெனவே முதல் டெஸ்டிலும் வென்றிருந்த தென் ஆப்பிரிக்கா, தற்போது 2-ஆவது ஆட்டத்திலும் வென்று 2 ஆட்டங்கள் கொண்ட தொடரை முழுமையாகக் கைப்பற்றியது. ஆட்ட நாயகன், தொடா் நாயகன் விருதுகளை அந்த அணியின் டீன் எல்கா் வென்றாா்.

    ஜோஹன்னஸ்பா்க்கில் கடந்த ஞாயிற்றுக்கிழமை தொடங்கிய 2-ஆவது டெஸ்டில் டாஸ் வென்று முதலில் பேட் செய்த இலங்கை, முதல் இன்னிங்ஸில் 40.3 ஓவா்களில் 157 ரன்களுக்கு சுருண்டது. குசல் பெரெரா மட்டும் அதிகபட்சமாக 11 பவுண்டரிகளுடன் 60 ரன்கள் சோ்த்தாா். தென் ஆப்பிரிக்க தரப்பில் அன்ரிச் நாா்ட்ஜே 6 விக்கெட்டுகள் சாய்த்து அசத்தினாா்.

    இதையடுத்து தனது முதல் இன்னிங்ஸை தொடங்கிய தென் ஆப்பிரிக்கா, 75.4 ஓவா்களில் 302 ரன்கள் சோ்த்து ஆட்டமிழந்தது. அதிகபட்சமாக டீன் எல்கா் 22 பவுண்டரிகள் உள்பட 127 ரன்கள் குவித்தாா். இலங்கை தரப்பில் விஷ்வா ஃபொ்னான்டோ 5 விக்கெட்டுகள் வீழ்த்தினாா்.

    முதல் இன்னிங்ஸில் 145 ரன்கள் பின்தங்கிய இலங்கை, 2-ஆவது இன்னிங்ஸை தொடங்கி திங்கள்கிழமை முடிவில் 4 விக்கெட் இழப்புக்கு 150 ரன்கள் சோ்த்திருந்தது. இந்நிலையில், 3-ஆம் நாளான செவ்வாய்க்கிழமை ஆட்டத்தை திமுத் கருணாரத்னே 91, நிரோஷன் டிக்வெல்லா 18 ரன்களுடன் தொடங்கினா்.

    இதில் கருணாரத்னே 19 பவுண்டரிகளுடன் 103 ரன்களுக்கு வெளியேற, டிக்வெல்லா 6 பவுண்டரிகளுடன் 36 ரன்களுக்கு நடையைக் கட்டினாா். பின்னா் வந்தவா்களில் டாசன் ஷனகா 1 பவுண்டரியுடன் 8, டி சில்வா 2 பவுண்டரிகளுடன் 16 ரன்கள் சோ்க்க, துஷ்மந்தா சமீரா, அசிதா ஃபொ்னான்டோ டக் அவுட்டாகினா்.

    தென் ஆப்பிரிக்க தரப்பில் லுங்கி கிடி 4, லுதோ சிபாம்லா 3, அன்ரிச் நாா்ட்ஜே 2, வியாம் முல்டா் 1 விக்கெட் சாய்த்தனா்.

    பின்னா் 67 என்ற எளிய வெற்றி இலக்குடன் 2-ஆவது இன்னிங்ஸை தொடங்கிய தென் ஆப்பிரிக்கா, விக்கெட் இழப்பின்றி 13.2 ஓவா்களில் இலக்கை அடைந்து வென்றது. எய்டன் மாா்க்ரம் 4 பவுண்டரிகளுடன் 36, டீன் எல்கா் 5 பவுண்டரிகளுடன் 31 ரன்கள் சோ்த்து அணியை வெற்றிக்கு வழிநடத்தினா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp