ஐஎஸ்எல்: ஹைதராபாத் அணிக்கு 4-ஆவது வெற்றி

ஐஎஸ்எல்: ஹைதராபாத் அணிக்கு 4-ஆவது வெற்றி

இந்தியன் சூப்பா் லீக் (ஐஎஸ்எல்) கால்பந்து தொடரின் 51-ஆவது லீக் ஆட்டத்தில் ஹைதராபாத் எஃப்.சி. அணி 4-2 என்ற கோல் கணக்கில் நாா்த் ஈஸ்ட் யுனைடெட் அணியை வீழ்த்தியது.

இந்தியன் சூப்பா் லீக் (ஐஎஸ்எல்) கால்பந்து தொடரின் 51-ஆவது லீக் ஆட்டத்தில் ஹைதராபாத் எஃப்.சி. அணி 4-2 என்ற கோல் கணக்கில் நாா்த் ஈஸ்ட் யுனைடெட் அணியை வீழ்த்தியது.

இதன்மூலம் இந்த சீசனில் 4-ஆவது வெற்றியைப் பெற்றுள்ள ஹைதராபாத் அணி 15 புள்ளிகளுடன் புள்ளிகள் பட்டியலில் 3-ஆவது இடத்துக்கு முன்னேறியது.

கோவாவில் வெள்ளிக்கிழமை நடைபெற்ற இந்த ஆட்டத்தில் இரு அணிகளும் அபாரமாக ஆட, ஆரம்பம் முதலே ஆட்டம் விறுவிறுப்பாக சென்றது. இதனால், ஆட்டத்தின் 3-ஆவது நிமிடத்தில் ஹைதராபாத் அணி கோலடித்தது. இந்த கோலை அந்த அணியின் அரிடேன் அடித்தாா். ஆட்டத்தின் தொடக்கத்திலேயே கோலடித்ததால், நம்பிக்கை பெற்ற ஹைதராபாத் அணி தொடா்ந்து அபாரமாக ஆடியது. இதனால் அந்த அணி 36-ஆவது நிமிடத்தில் 2-ஆவது கோலை அடித்தது. இந்த கோலை சியானிஸ் அடித்தாா்.

மறுமுனையில் போராடிய நாா்த் ஈஸ்ட் அணிக்கு 45-ஆவது நிமிடத்தில் பலன் கிடைத்தது. அந்த அணியின் கேல்கோ பெனால்டி வாய்ப்பில் கோலடிக்க, அதேநிமிடத்தில் மற்றொரு கோலையும் அடித்தது நாா்த் ஈஸ்ட். இந்த கோலை லம்போட் அடித்தாா். இதனால் முதல் பாதி ஆட்டநேர முடிவில் இரு அணிகளும் 2-2 என்ற கோல் கணக்கில் சமநிலையில் இருந்தன.

தொடா்ந்து 2-ஆவது பாதி ஆட்டத்தில் மோதிய இரு அணிகளும் கோலடிக்க போராடின. 85-ஆவது நிமிடத்தில் ஹைதராபாத் வீரா் லிஸ்டன் கோலடிக்க, அந்த அணி வெற்றியை நெருங்கியது. தொடா்ந்து 90-ஆவது நிமிடத்தில் லிஸ்டன் 2-ஆவது கோலை அடித்தாா். இறுதியில் ஹைதராபாத் அணி 4-2 என்ற கோல் கணக்கில் அபார வெற்றி கண்டது.

இதுவரை 10 ஆட்டங்களில் விளையாடியுள்ள ஹைதராபாத் அணி 4 வெற்றி, 3 டிரா, 3 தோல்விகளுடன் 15 புள்ளிகளைப் பெற்று புள்ளிகள் பட்டியலில் 3-ஆவது இடத்துக்கு முன்னேறியுள்ளது. அதேநேரத்தில் நாா்த் ஈஸ்ட் அணி 3-ஆவது தோல்வியை சந்தித்துள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com