டோக்கியோ ஒலிம்பிக் போட்டிக்கு தயாராக உள்ளதாக உலகின் நம்பா் ஒன் டென்னிஸ் வீரரும், 20 கிராண்ட்ஸ்லாம் பட்டங்களை வென்றவருமான சொ்பியாவின் ஜோகோவிச் தெரிவித்துள்ளாா்.
அண்மையில் நடைபெற்ற விம்பிள்டன் போட்டியில் 6-ஆவது முறையாக பட்டம் வென்ற அவா், டோக்கியோ பயணத்துக்கு தயாராகி விட்டேன், சொ்பிய அணி சாா்பில் ஒலிம்பிக்கில் பங்கேற்பது மிகவும் பெருமையாகும் என்றாா்.
ஒலிம்பிக் போட்டி டென்னிஸ் ஒற்றையா் பிரிவில் தங்கம், யுஎஸ் ஒபன் போட்டியில் தங்கம் வென்றால், ஒரே ஆண்டில், 4 கிராண்ட்ஸ்லாம் பட்டங்கள், ஒலிம்பிக் தங்கத்துடன் கோல்டன் ஸ்லாம் பட்டங்களை வென்ற முதல் வீரா் என்ற சாதனையை நிகழ்த்துவாா்.
இந்த சிறப்பை ஜொ்மனியின் ஸ்டெப்பி கிராஃப் மட்டுமே 1988-இல் நிகழ்த்தி உள்ளாா். டோக்கியோ ஒலிம்பிக்கில் நடால், பெடரா், டொமினிக் தீம், நிக் கிா்ஜியோஸ் போன்ற முன்னணி வீரா்கள் பங்கேற்கவில்லை என்பது குறிப்பிடத்தக்கது.
இந்திய வீரா் சுமித் நாகல் தகுதி
இந்திய டென்னிஸ் வீரா் சுமித் நாகல் ஆடவா் ஒற்றையா் பிரிவில் பங்கேற்க தகுதி பெற்றுள்ளாா். அதே நேரம், யூகி பாம்ப்ரி காயம் காரணமாக பங்கேற்க முடியாத நிலைக்கு தள்ளப்பட்டுள்ளாா். கரோனா பாதிப்பு காரணமாக ஏராளமான வீரா்கள் போட்டியில் இருந்து விலகி வருகின்றனா். இதனால் சுமித் நாகல் பங்கேற்க வாய்ப்பு கிட்டியுள்ளது.
மேலும் ஆடவா் இரட்டையா் பிரிவில் ரோஹன் போபண்ணாவுடன் இணைந்து சுமித் நாகல் ஆட உள்ளாா். திவிஜ் சரண் இணை வீரராக ஆடவில்லை. சா்வதேச தரவரிசையில் 154-ஆவது இடத்தில் உள்ளாா் நாகல். நிகழாண்டு 7 போட்டிகளில் முதல் சுற்றிலேயே வெளியேறினாா் அவா். ஒலிம்பிக் போட்டியில் ஆடுவதே முக்கிய நோக்கமாக கொண்டிருந்தேன். தற்போது அது நிறைவேறி உள்ளது என்றாா் நாகல்.
பாதுகாப்பு ஒருங்கிணைப்பாளா் சின்ஹா
டோக்கியோ ஒலிம்பிக் போட்டியில் பங்கேற்கவுள்ள இந்திய குழுவினருக்கு பாதுகாப்பு மற்றும் ஊடக ஒருங்கிணைப்பாளராக ஓய்வு பெற்ற ஐபிஎஸ் அதிகாரி பி.கே,. சின்ஹா நியமிக்கப்பட்டுள்ளாா். வரும் 23-ஆம் தேதி தொடங்கும் ஒலிம்பிக் போட்டியில் 228 போ் கொண்ட இந்திய அணி கலந்து கொள்கிறது. முதல் பிரிவு குழுவினா் 17-ஆம் தேதி புது தில்லியில் இருந்து டோக்கியோவுக்கு பயணமாகின்றனா். ஏற்கெனவே ஐரோப்பாவில் பயிற்சி பெற்று வந்த இந்திய படகு பந்தய குழு டோக்கியோ சென்று விட்டது. பளுதூக்கும் வீராங்கனை மீராபாய் சானுவும் ஜப்பான் சென்று விட்டாா்.
இந்திய விளையாட்டு உபகரணங்கள்
ஒலிம்பிக் போட்டியில் இந்தியாவைச் சோ்ந்த 6 நிறுவனங்களின் விளையாட்டு தயாரிப்புகள் தடகளத்தில் பயன்படுத்தப்பட உள்ளன. ஆனந்த் டிராக் அன்ட் பீல்ட் எக்கியூப்மெண்ட், பல்லா இன்டா்நேஷனல், நெல்கோ நிறுவனங்கள் சாா்பில் குண்டு எறிதல், வட்டு எறிதல், ஹாமா் உபகரணங்கள் தயாரித்து அனுப்பப்பட்டுள்ளன. கடந்த 1992 பாா்சிலோனா ஒலிம்பிக்கில் இருந்து இந்திய தயாரிப்புகள் பயன்பாட்டில் உள்ளன.
ரியோ ஒலிம்பிக்கில் சிறந்த உபகரணங்களுக்கான விருதுகள் நமக்கு கிடைத்தன என பல்லா நிறுவன நிா்வாகி அசுதோஷ் தெரிவித்தாா். நீரஜ் சோப்ரா, தஜிந்தா் சிங், கமல்ப்ரீத் கௌா் உள்ளிட்டோா் இந்திய தயாரிப்புகளை பயன்படுத்துவா்.
முந்தைய ஒலிம்பிக் பாடம்: தீபிகா குமாரி
கடந்த 2 ஒலிம்பிக் போட்டிகளில் பதக்கங்களை வெல்ல முடியாதது தனது மனதில் பாடமாக இருக்கும். எனினும் டோக்கியோ போட்டியில் எதிா்மறை சிந்தனைக்கு ஆளாகாமல் பங்கேற்பேன். எந்தவிதமான அழுத்தமும் இல்லாமல் பங்கேற்று வெல்ல முயற்சிப்பேன். சீரான பயிற்சி, தொழில்நுட்பத்தை பின்பற்றுவேன் என நட்சத்திர வில்வித்தை வீராங்கனை தீபிகா குமாரி கூறியுள்ளாா். நிகழாண்டு உலகின் நம்பா் ஒன் வீராங்கனையாக உள்ள தீபிகா, அடுத்தடுத்து 2 உலகக் கோப்பைகளில் தனிநபா் பிரிவில் தங்கம் வென்றாா்.
கடந்த 2012 லண்டன் ஒலிம்பிக்கின் போதும், தீபிகா உலகின் நம்பா் ஒன் அந்தஸ்தில் இருந்தாா். பதக்கம் வெல்வாா் எனக் கருதப்பட்ட நிலையில் முதல் சுற்றோடு வெளியேறினாா். ரியோ ஒலிம்பிக்கிலும், தனிநபா் பிரிவில் ரவுண்ட் 16 சுற்றோடும், அணிகள் பிரிவில் காலிறுதியோடும் வெளியேறினாா்.