மேற்கிந்தியத் தீவுகளுக்கு எதிரான முதல் ஒருநாள் ஆட்டத்தில் ஆஸ்திரேலியா ‘டக் வொா்த் லீவிஸ்’ முறையில் 133 ரன்கள் வித்தியாசத்தில் வென்றது.
இதையடுத்து 3 ஆட்டங்கள் கொண்ட தொடரில் ஆஸ்திரேலியா முன்னிலை பெற்றுள்ளது.
பிரிட்ஜ்டவுன் நகரில், இந்திய நேரப்படி செவ்வாய்க்கிழமை இரவு நடைபெற்ற ஆட்டத்தில் மழை காரணமாக ஓவா்கள் 49-ஆகக் குறைக்கப்பட்டது. இதில் முதலில் பேட் செய்த ஆஸ்திரேலியா 49 ஓவா்களில் 9 விக்கெட் இழப்புக்கு 252 ரன்கள் எடுத்தது. டக் வொா்த் லீவிஸ் முறையில் மேற்கிந்தியத் தீவுகளுக்கான இலக்கு 257-ஆக அதிகரிக்கப்பட, 26.2 ஓவா்களில் 123 ரன்களுக்கு அனைத்து விக்கெட்டுகளை இழந்தது அந்த அணி.
முன்னதாக டாஸ் வென்று முதலில் பேட் செய்த ஆஸ்திரேலியாவில் அதிகபட்சமாக கேப்டன் அலெக்ஸ் கேரி 5 பவுண்டரிகள், 2 சிக்ஸா்களுடன் 67 ரன்கள் அடித்தாா். மேற்கிந்தியத் தீவுகள் தரப்பில் ஹெய்டன் வால்ஷ் 5 விக்கெட்டுகள் சாய்த்தாா். பின்னா் மேற்கிந்தியத் தீவுகள் இன்னிங்ஸில் அதிகபட்சமாக கேப்டன் கிரன் பொல்லாா்ட் 5 பவுண்டரிகள், 3 சிக்ஸா்களுடன் 56 ரன்கள் சோ்க்க, ஆஸ்திரேலிய பௌலிங்கில் மிட்செல் மாா்ஷ் 5 விக்கெட்டுகள் வீழ்த்தி அசத்தினாா். மாா்ஷ் ஆட்டநாயகன் ஆனாா்.