இந்தியா - இலங்கை அணிகள் மோதும் ஒருநாள் மற்றும் டி20 தொடர்களின் அட்டவணையை பிசிசிஐ வெளியிட்டுள்ளது.
இந்திய அணி அடுத்த மாதம் இலங்கைக்குச் சுற்றுப்பயணம் செய்து 3 ஒருநாள், 3 டி20 ஆட்டங்களில் விளையாடுகிறது. விராட் கோலி, ரோஹித் சர்மா போன்ற முன்னணி வீரர்கள் இங்கிலாந்து டெஸ்ட் தொடரில் பங்கேற்பதால், இலங்கைக்கு எதிரான தொடர்களுக்கு ஷிகர் தவன் தலைமையிலான இந்திய அணி தேர்வு செய்யப்பட்டுள்ளது.
இந்நிலையில் இலங்கையில் இந்திய அணி பங்கேற்கும் ஒருநாள், டி20 தொடர்களுக்கான அட்டவணையை பிசிசிஐ வெளியிட்டுள்ளது. ஒருநாள் தொடர், ஜூலை 13 அன்று தொடங்கி, ஜூலை 18 அன்று நிறைவுபெறுகிறது. டி20 தொடர் ஜூலை 21 அன்று தொடங்கி, ஜூலை 25 அன்று நிறைவுபெறுகிறது. அனைத்து ஆட்டங்களும் கொழும்பில் நடைபெறவுள்ளன.
ஒருநாள் தொடர்
முதல் ஒருநாள்: ஜூலை 13
2-வது ஒருநாள்: ஜூலை 16
3-வது ஒருநாள்: ஜூலை 18
டி20 தொடர்
முதல் டி20: ஜூலை 21
2-வது டி20: ஜூலை 23
3-வது டி20: ஜூலை 25