பிரெஞ்சு ஓபன் போட்டியில் ஆடவர் ஒற்றையர் பட்டத்தை வென்று சாம்பியன் ஆகியுள்ளார் 34 வயது ஜோகோவிச்.
பாரிஸ் நடைபெற்ற இறுதிச்சுற்றில் கிரீஸ் நாட்டைச் சேர்ந்த சிட்சிபாஸை 6-7(6), 2-6, 6-3, 6-2, 6-4 என்ற செட் கணக்கில் கடுமையாகப் போராடி வீழ்த்தினார் உலகின் நெ.1 வீரரான ஜோகோவிச். இதன்மூலம் தனது 19-வது கிராண்ட்ஸ்லாம் பட்டத்தை அவர் வென்றார். இது ஜோகோவிச்சின் 2-வது பிரெஞ்சு ஓபன் பட்டமாகும்.
இந்நிலையில் ஆட்டம் முடிந்த பிறகு தனது டென்னிஸ் ராக்கெட்டை முன்வரிசையில் அமர்ந்திருந்த சிறுவனுக்கு வழங்கினார் ஜோகோவிச். இந்த இன்பதிர்ச்சியை எதிர்பாராத சிறுவன் மகிழ்ச்சியில் துள்ளிக்குதித்த விடியோ சமூகவலைத்தளங்களில் அதிகமாகப் பகிரப்பட்டு வருகிறது.