Enable Javscript for better performance
மில்கா சிங்கின் ஒலிம்பிக் கனவு!- Dinamani

சுடச்சுட

    

    மில்கா சிங்கின் ஒலிம்பிக் கனவு!

    By -கி.வைத்தியநாதன்  |   Published on : 24th June 2021 05:00 AM  |   அ+அ அ-   |    |  

     

    இந்திய - பாகிஸ்தான் பிரிவினையைத் தொடா்ந்து மதக் கலவரம் கொழுந்துவிட்டு எரிந்து கொண்டிருந்த நேரம், பாகிஸ்தானுடன் இணைந்த மேற்கு பஞ்சாபில் ஹிந்துக்களும் சீக்கியா்களும் ஈவிரக்கமில்லாமல் மதவெறி பிடித்த கும்பல்களால் கொல்லப்பட்டனா். கோவிந்தபுரா என்கிற கிராமத்திலுள்ள சீக்கிய குடும்பத்தின் 15 குழந்தைகளில் ஒருவா் மில்கா சிங். வன்முறைக் கும்பலுக்குப் பயந்து அந்தக் குடும்பம் கிராமத்தைவிட்டு தப்பியோடியது.

    துரத்தி வந்த கும்பலின் கொலைவெறிக்கு ஆளானாா்கள் மில்கா சிங்கின் பெற்றோரும் உடன் பிறந்த பலரும். ‘ஓடு மில்கா ஓடு’ என்று தப்பியோடச் சொல்லி தந்தையின் அவலக் குலரைக் கேட்டு ஓடத் தொடங்கினான் அந்தச் சிறுவன். அப்போது பயத்தில் ஓடத் தொடங்கிய அந்தச் சிறுவனின் ஓட்டம், ஒலிம்பிக் பந்தய மைதானம் வரை அவனை அழைத்துச் செல்லும் என்று அப்போது யாா் நினைத்திருக்க முடியும்?

    உயிருக்கு பயந்து தன்னை கொலை செய்ய துரத்தி வந்த கும்பலிலிருந்து தப்பியோடிய அந்தச் சிறுவன், கண்ணில் தென்பட்ட ரயில் நிலையம் ஒன்றில் நின்று கொண்டிருந்த ரயிலின் பெண்கள் வகுப்புப் பெட்டியில் ஏறி இருக்கைக்குக் கீழே பதுங்கினான். அது பெண்கள் பெட்டி என்று அவனுக்குத் தெரியாது. அவலக் குரலுடன் தப்பியோடும் பலரும் அந்த ரயிலை தஞ்சமடைந்தனா். 14 வயது மில்கா சிங்கும் அந்த ரயிலில் பயணித்து தில்லி வந்து சோ்ந்தாா்.

    தில்லியில் திருமணம் செய்து கொடுத்திருந்த சகோதரியின் வீட்டைத் தேடி அலைந்து ஒருவேளை உணவுக்காக கையேந்தி நின்றான் பாகிஸ்தானிலிருந்து அகதியாக ஓடிவந்த அந்தச் சிறுவன். அடைக்கலமாய் வந்த சிறுவன் சகோதரியின் குடும்பத்தாரால் பாரமாகக் கருதப்பட்டாா். வழியில்லாமல் வீட்டைவிட்டு வெளியேறி அகதிகள் முகாமில் தஞ்சமடைந்தாா். தனது உயிரைக் காப்பாற்றிக் கொள்ளவும், ஒருவேளை உணவுக்காகவும் அலைந்து திரிந்த அந்தச் சிறுவனை பட்டாளத்தில் போய்ச் சேரும்படி, அவரைப்போல உயிா் பிழைத்து தப்பிவந்த மூத்த சகோதரா் மக்கன் சிங் உபதேசித்தாா். ராணுவத்தில் தோ்ந்தெடுக்கப்பட்டு, செகிந்திராபாதில் எலக்ட்ரிகல் மெக்கானிக்கல் என்ஜியரிங் சென்டரில் அவா் நியமிக்கப்பட்டதும் வாழ்க்கை திருப்புமுனையாக அமைந்தது. உயிருக்கு பயந்து ஓடத் தொடங்கிய மில்கா, இப்போது ஒரு கோப்பைப் பாலுக்காக ஓட முற்பட்டாா்.

    செகிந்திராபாதில் ராணுவத்திற்கான கிராஸ் கன்ட்ரி ஓட்டப்பந்தயம் நடைபெறுகிறது. அதில் முதலாவது வரும் 10 பேருக்கு நாள்தோறும் ஒரு கோப்பைப் பால் அதிகமாக வழங்கப்படும் என்று கேள்விப்பட்ட மில்கா, அதில் கலந்து கொள்கிறாா். ஒரு கோப்பைப் பாலுக்காக ஓடி ஆறாம் இடத்தைப் பிடித்த மில்காவின் அந்த ஓட்டம், இந்தியாவுக்காக ஒலிம்பிக் வரை ஓடுவதற்கான அடித்தளத்தை ஏற்படுத்திக் கொடுத்தது. அதற்குப் பிறகு மில்கா சிங்கின் வாழ்க்கை ஓட்டமயமானது.

    ஒரு மாதம் முன்பு கொவைட் 19 கொள்ளை நோய்த்தொற்றால் பாதிக்கப்பட்டபோது மில்கா சிங்கால் அதை நம்ப முடியவில்லை. என்னை எப்படி இந்த நோய் தாக்கியது என்பதுதான் அவா் எழுப்பிய கேள்வி. அவரை மட்டுமல்ல, அவரது மனைவி நிா்மல் கௌரும் பாதிக்கப்பட்டாா். கடந்த ஞாயிற்றுக்கிழமை நிா்மல் கௌா் காலமானாா். அடுத்த ஐந்தாவது நாள், அதாவது ஜூன் 18-ஆம் தேதி இரவில் மில்கா சிங்கும் தனது நீண்ட ஓட்டப்பந்தய வாழ்க்கையில் இருந்து விடை பெற்றிருக்கிறாா்.

    இந்திய பெண்கள் கைப்பந்தாட்ட அணியின் கேப்டனாக இருந்த நிம்மி என்று அழைக்கப்படும் நிா்மல் கௌரை காதலித்துக் கைப்பிடித்தவா் மில்கா சிங்.

    மில்கா சிங்-நிா்மல் கௌரின் காதல் கதை பஞ்சாபிய இளைஞா்களுக்கு இப்போதும் அமரகாவியமாகத் தொடா்கிறது. நிா்மல் கௌரின் வீட்டாருக்குத் தெரியாமல் இரண்டு பேரும் காதலித்து வந்தனா். 1960-இல் இருவரும் பயணித்த காா், விபத்தில் சிக்கியபோது தான் அந்த விவரம் நிா்மல் கௌரின் வீட்டாருக்குத் தெரிய வந்தது. கடுமையான எதிா்ப்புக்கு இடையே மில்கா சிங்கையும், நிா்மல் கௌரையும் தம்பதியாக்குவதற்காகத் தூது போனவா் அன்றைய பஞ்சாப் முதல்வா் பிரதாப் சிங் கெயிரோன்.

    1963-இல் கணவன்-மனைவியாக இணைந்தவா்களின் இல்லற வாழ்க்கை 2021-இல் ஒருவரைத் தொடா்ந்து மற்றவரின் மரணத்துடன் முடிவுக்கு வந்திருக்கிறது. தனது மரணத்திலும் கூட நிா்மல் கௌரைப் பிரிவதற்கு மில்கா சிங்குக்கு மனம் ஒப்பவில்லை போலும்.

    மில்கா சிங் வெறும் ஓட்டப்பந்தய வீரா் அல்ல. சுதந்திர இந்திய வரலாற்றில் முதலாவது விளையாட்டு சூப்பா் ஸ்டாா் என்பதை நாம் நினைவில் கொள்ள வேண்டும். 1958-இல் 200 மீட்டா், 400 மீட்டா் பந்தயங்களிலும், 1962-இல் 400 மீட்டா், 400 மீட்டா் ரிலே பந்தயங்களிலும் தங்கப் பதக்கம் வென்ற விளையாட்டு வீரா் மில்கா சிங்.

    1956 மெல்பா்ன் ஒலிம்பிக் பந்தயத்தில் பங்கெடுக்க மில்கா தோ்வு பெற முடியவில்லை. 1958-இல் டோக்யோவில் நடந்த ஆசிய விளையாட்டுப் போட்டிதான் அவரது முதல் மிகப் பெரிய வெற்றி.

    1956 மெல்பா்ன் ஒலிம்பிக் பந்தயத்தில் தோ்வு பெற முடியாவிட்டாலும், உலக சாதனை படைத்த அமெரிக்க ஓட்டப்பந்தய வீரா் சாா்ல்ஸ் ஜென்கின்ஸின் 46.7 சாதனை மில்காவுக்கு உந்து சக்தியாக மாறியது. தனது அறையிலுள்ள குருநானக் தேவரின் படத்துக்கு அருகில் ஒரு துண்டு சீட்டில் 46.7 என்று எழுதி வைத்திருந்தாா் மில்கா. அதன் பிறகு காலை, மாலை என்று நேரமும் காலமும் பாா்க்காமல் தடகளப் பயிற்சிதான் அவரது வாழக்கை என்றாகியது. அடுத்த இரண்டாவது ஆண்டு 46.6 விநாடிகள் வரை அவரால் ஓட முடிந்ததற்கு அந்த வெறித்தனமான பயிற்சிதான் காரணம்.

    1958 காா்டிஃப் காமன்வெல்த் போட்டிகளில் மில்கா சிங் தங்கப் பதக்கம் வென்றபோது அதுதான் இந்தியா சா்வதேசப் போட்டியில் வென்ற முதல் தங்கப் பதக்கம். அன்றைய பிரதமா் ஜவாஹா்லால் நேரு தொலைபேசியில் மில்கா சிங்கை அழைத்து தேசத்திற்கு பெருமை தேடித் தந்திருக்கும் உங்களுக்கு என்ன வேண்டும் கேளுங்கள் என்றபோது மில்கா விடுத்த வேண்டுகோள் - இந்தியா இந்த வரலாற்று வெற்றியைக் கொண்டாடும் விதத்தில் தேசிய விடுமுறை அறிவிக்கப்பட்டு நமது இளம் விளையாட்டு வீரா்கள் அனைவருக்கும் உற்சாகமூட்ட வேண்டும் என்றாா்.

    பாகிஸ்தானில் நடந்த ஓா் ‘இன்விடேஷன்’ பந்தயத்தில் கலந்து கொண்டாா் மில்கா சிங். பாகிஸ்தானில் பிரபல விளையாட்டு வீரராக இருந்த அப்துல் காலிக் என்பவரை அந்த பந்தயத்தில் முறியடித்து வெற்றி பெற்றாா் அவா். அதைப் பாா்க்க வந்திருந்த அப்போதைய பாகிஸ்தான் அதிபா் ஜெனரல் அயூப்கான். மில்கா சிங் ஓடிய வேகத்தைப் பாா்த்து அவருக்கு கொடுத்த பட்டம்தான் ‘பறக்கும் சீக்கியா்’ (பிளையிங் சீக்) என்பது.

    மில்கா சிங்கின் வாழ்க்கையில் மிகப் பெரிய சோகமாக அமைந்தது, 1960 ரோம் ஒலிம்பிக் பந்தயம். அனைவரும் அவா்தான் 400 மீட்டரில் வெற்றி பெறுவாா் என்று எதிா்பாா்த்திருந்தனா். 200 மீட்டா் வரை மில்கா சிங்தான் முன்னிலையில் இருந்தாா். கடைசிவரை அதே வேகத்தில் ஓட முடியுமா என்கிற சந்தேகம் ஏற்பட்டதோ என்னவோ, சற்று திரும்பிப் பாா்த்தாா். தங்கம், வெள்ளி, வெண்கலம் மூன்றையும் தவறவிட்டு நான்காவதாக நொடிப் பொழுது வித்தியாசத்தில் முடிக்க வேண்டிய அவலம் நோ்ந்தது.

    மில்கா சிங் 1958-இல் தங்கப் பதக்கம் வென்ற பிறகு அடுத்த தங்கப் பதக்கத்திற்காக இந்தியா 52 ஆண்டுகள் காத்திருக்க நோ்ந்தது. 2010 தில்லி காமன்வெல்த் போட்டியில்தான் அடுத்த தங்கப் பதக்கத்தை வென்றது இந்தியா.

    1958-இல் தங்கப் பதக்கம் வென்ற மில்கா சிங்குக்கு பத்மஸ்ரீ விருது வழங்கப்பட்டது. அதன் பிறகு 2001-இல் அா்ஜுனா விருது வழங்கப்பட்டபோது அதை ஏற்க மறுத்துவிட்டாா் அவா். ‘‘பத்மஸ்ரீ என்கிற முதுகலை பட்டம் பெற்ற பிறகு அா்ஜுனா விருது என்கிற எஸ்எஸ்எல்சி சான்றிதழை எனக்குத் தருகிறாா்கள். இப்போதெல்லாம் கோயில்களில் பிரசாத விநியோகம் போல விருதுகள் வழங்கப்படுகின்றன. அதனால் எனக்குத் தேவையில்லை’’ என்பது அவரது பதிலாக இருந்தது.

    பேராசைப் படாதவராக இருந்தவா் என்பதுதான் மில்கா சிங்கின் தனித்துவம். ‘என் வாழ்க்கையைத் திரும்பிப் பாா்க்கும்போது தகுதிக்கு மீறிய பெயரையும் புகழையும் இறைவன் வழங்கியிருக்கிறான். எனக்கும் என் குடும்பத்தினருக்கும் எல்லா வசதிகளையும் தந்திருக்கிறான். மைதானத்தில் ஓடி எனது தாய்நாட்டுக்கு புகழைத் தேடித் தர வேண்டும் என்று இறைவன் விரும்பினான் என்றுதான் நான் கருதுகிறேன். இந்திய மக்கள் நான் எதிா்பாா்த்ததைவிட அதிகமாகவே எனக்குப் பெயரையும் புகழையும் தந்து கௌரவித்து இருக்கிறாா்கள்’ - தனது கடைசிப் பேட்டியில் இரண்டு ஆண்டுகளுக்கு முன்பு மில்கா சிங் தெரிவித்த கருத்து இது.

    அவரது குடும்பமே விளையாட்டு மைதானத்துடன் தொடா்புடையது. இந்திய பெண்கள் கைப்பந்து அணியின் கேப்டனாக இருந்த நிா்மல் கௌரை, காதலித்துத் திருமணம் செய்து கொண்டாா் மில்கா சிங். அவரது மகன்களில் ஒருவா் ஜீவ் மில்கா சிங், நட்சத்திர கோல்ஃப் விளையாட்டு வீரா்களில் ஒருவா்.

    மில்கா சிங்கும் கோல்ஃப் விளையாட்டுப் பிரியா். ‘கோல்ஃப்புக்கும் ஓட்டப்பந்தயத்துக்கும் ஓா் ஒற்றுமை உண்டு. இந்த இரு விளையாட்டுகளிலும் எதிரிகள் யாரும் கிடையாது. நமது திறமைதான் வெற்றிக்கு ஒரே வழி. அதனால்தான் எனக்கு ஓட்டப்பந்தயமும், கோல்ஃப்பும் பிடிக்கும்’ என்பது மில்கா சிங் அடிக்கடி கூறும் வாா்த்தைகள்.

    1960 ரோம் ஒலிம்பிக் பந்தயத்தில் மில்கா சிங் அடைந்த தோல்வியின் ரணம், கடைசி வரை ஆறவே இல்லை. தென்னாப்பிரிக்க ஓட்டப்பந்தய வீரா் மால்கம் பென்ஸ் (45.5), மில்கா சிங்கை ( 45.6) அந்தப் பந்தயத்தில் பாயிண்ட்0. 1 நொடி வித்தியாசத்தில் 400 மீட்டா் பந்தயத்தில் தோற்கடித்தாா்.

    ‘எனக்கு வாழ்க்கையில் ஏதாவது ஆசை இருக்கிறதா என்று கேட்டால், இருக்கிறது. இந்திய ஓட்டப்பந்தய வீரரோ, வீராங்கனையோ ஒலிம்பிக் தங்கப் பதக்கத்தை வெல்ல வேண்டும். அப்போதுதான் 1960-இல் தவறவிட்ட அந்த வாய்ப்பின் ரணம் எனக்கு ஆறும்.’

    மில்கா சிங்கின் இந்த வாா்த்தைகள் ஒவ்வொரு இந்திய தடகள வீரரின் அறையிலும் காணப்பட வேண்டும். இந்தியா தடகளத்துக்காக ஒலிம்பிக் பந்தயத்தில் தங்கப்பதக்கம் வெல்ல வேண்டும். தனது 91-ஆவது வயதில் தீநுண்மித் தொற்றுக்கு பலியாகி இருக்கும் இந்தியாவின் அந்த முதல் விளையாட்டு சூப்பா் ஸ்டாா், அது வரை நமது நினைவுகளில் ஓடிக் கொண்டே இருப்பாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp