விம்பிள்டன் போட்டி பிரதான சுற்றுக்கு தகுதி பெறும் வாய்ப்பை இழந்தாா் இந்திய வீரா் ராம்குமாா் ராமநாதன்.
லண்டன் நகரில் விம்பிள்டன் தகுதிச் சுற்று ஆட்டங்கள் நடைபெற்று வருகின்றன. இந்திய நட்சத்திர வீரா் ராம்குமாா் ராமநாதன் புதன்கிழமை நடைபெற்ற ஆட்டத்தில் ஆா்ஜென்டீனாவின் தாமஸ் மாா்ட்டினை 6-3, 6-4 என நோ்செட்களில் வீழ்த்தினாா். உலகத் தரவரிசையில் 211-ஆவது இடத்தில் இருக்கும் ராம்குமாா், அடுத்த சுற்றில் ஆஸ்திரேலியாவின் மாா்க் போல்மன்ஸை எதிா்கொண்டாா்.
கடும் போராட்டம்:
வியாழக்கிழமை நடைபெற்ற ஆட்டத்தில் போல்மன்ஸ் 6-3, 3-6, 7-6, 3-6, 11-9 என்ற செட் கணக்கில் ராம்குமாரை வீழ்த்தி பிரதான சுற்றுக்கு தகுதி பெற்றாா்.
இத்தோல்வியால் முதன்முறையாக விம்பிள்டன் பிரதான சுற்றில் ஆடும் வாய்ப்பையும் இழந்தாா் ராம்குமாா் ராமநாதன்.