மாலத்தீவில் ஏப்ரல், மே மாதங்களில் வானிலை அபாரமாக இருக்கும்: பும்ராவுக்கு ராஜஸ்தான் ராயல்ஸ் அறிவுரை!

வாழ்த்துகள். மாலத்தீவில் ஏப்ரல் - மே மாதங்களில் வானிலை நன்றாக இருக்கும் எனக் கேள்விப்பட்டுள்ளோம் என்று கூறியுள்ளது. 
மாலத்தீவில் ஏப்ரல், மே மாதங்களில் வானிலை அபாரமாக இருக்கும்: பும்ராவுக்கு ராஜஸ்தான் ராயல்ஸ் அறிவுரை!

ஸ்டார் ஸ்போர்ட்ஸ் தொகுப்பாளர் சஞ்சனா கணேசனைத் திருமணம் செய்த பும்ராவுக்கு வித்தியாசமான முறையில் வாழ்த்து தெரிவித்துள்ளது ராஜஸ்தான் ராயல்ஸ் அணி நிர்வாகம்.

ஸ்டார் ஸ்போர்ட்ஸ் தொகுப்பாளர் சஞ்சனா கணேசனை நேற்று கோவாவில் திருமணம் செய்துள்ளார் பும்ரா. தமிழ்ப் பெண்ணான சஞ்சனா கணேசன், ஸ்டார் ஸ்போர்ட்ஸ் தொகுப்பாளராக மட்டுமல்லாமல் கொல்கத்தா நைட்ரைடர்ஸ் ஐபிஎல் அணியின் தொகுப்பாளராகவும் பணியாற்றி வருகிறார். 

பும்ரா - சஞ்சனா கணேசன் திருமணத்துக்கு கிரிக்கெட் பிரபலங்கள் வாழ்த்து தெரிவித்துள்ளார்கள்.

இந்நிலையில் ஐபிஎல் போட்டியில் மும்பை அணிக்காக விளையாடும் பும்ராவுக்கு ராஜஸ்தான் ராயல்ஸ் அணி நிர்வாகம் வாழ்த்து தெரிவித்ததாவது:

வாழ்த்துகள். மாலத்தீவில் ஏப்ரல் - மே மாதங்களில் வானிலை நன்றாக இருக்கும் எனக் கேள்விப்பட்டுள்ளோம் என்று கூறியுள்ளது. 

ஐபிஎல் போட்டி ஏப்ரல் 9 அன்று தொடங்கி மே 30-ல் நிறைவுபெறுகிறது. சமீபகாலமாகப் பிரபலங்கள் பலரும் மாலத்தீவுக்குச் சென்று கடற்கரையில் எடுத்துக்கொண்ட புகைப்படங்களைச் சமூகவலைத்தளங்களில் பகிர்ந்து வருகிறார்கள். இதனால் ஐபிஎல் போட்டி நடைபெறும் ஏப்ரல், மே மாதங்களில் மாலத்தீவுக்குச் செல்லும்படி பும்ராவுக்கு வேடிக்கையான முறையில் வாழ்த்து கூறியுள்ளது ராஜஸ்தான் ராயல்ஸ் அணி நிர்வாகம்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com