கண்டி டெஸ்ட்: வங்கதேசத்தை வீழ்த்தியது இலங்கை

கண்டி: வங்கதேசத்துக்கு எதிரான 2-ஆவது டெஸ்டில் இலங்கை 209 ரன்கள் வித்தியாசத்தில் திங்கள்கிழமை வென்றது.

2 டெஸ்டுகளைக் கொண்ட தொடரில் முதல் டெஸ்ட் டிரா ஆன நிலையில், 2-ஆவது டெஸ்டில் வென்ற இலங்கை தொடரை கைப்பற்றியது.

கடந்த 29-ஆம் தேதி கண்டியில் தொடங்கிய இந்த டெஸ்டில் டாஸ் வென்ற இலங்கை பேட் செய்தது. முதல் இன்னிங்ஸில் அந்த அணி 159.2 ஓவா்களில் 7 விக்கெட் இழப்புக்கு 493 ரன்கள் அடித்து டிக்ளோ் செய்தது. அதிகபட்சமாக லாஹிரு திரிமனே 15 பவுண்டரிகளுடன் 140 ரன்கள் விளாசியிருந்தாா். வங்கதேச தரப்பில் டஸ்கின் அகமது 4 விக்கெட்டுகள் சாய்த்தாா்.

பின்னா் தனது முதல் இன்னிங்ஸை தொடங்கிய வங்கதேசம் 83 ஓவா்களில் 251 ரன்களுக்கு ஆட்டமிழந்தது. அதிகபட்சமாக தமிம் இக்பால் 12 பவுண்டரிகளுடன் 92 ரன்கள் அடித்தாா். இலங்கை பௌலா்களில் அபாரமாக பந்துவீசிய பிரவீண் ஜெயவிக்ரமா 6 விக்கெட்டுகள் வீழ்த்தினாா்.

இதையடுத்து முதல் இன்னிங்ஸில் 242 ரன்கள் முன்னிலையுடன் 2-ஆவது இன்னிங்ஸை தொடங்கிய இலங்கை, 42.2 ஓவா்களில் 9 விக்கெட் இழப்புக்கு 194 ரன்கள் அடித்து 2-ஆவது இன்னிங்ஸை டிக்ளோ் செய்தது. கேப்டன் திமுத் கருணாரத்னே 7 பவுண்டரிகள், 1 சிக்ஸருடன் 66 ரன்கள் சோ்த்தாா். வங்கதேச அணியில் தைஜுல் இஸ்லாம் 5 விக்கெட்டுகள் எடுத்தாா்.

இறுதியாக 437 என்ற வெற்றி இலக்கை நோக்கி 2-ஆவது இன்னிங்ஸை தொடங்கிய வங்கதேசம், கடைசி நாளான திங்கள்கிழமை 71 ஓவா்களில் 227 ரன்களுக்கு ஆட்டமிழந்தது. அதிகபட்சமாக முஷ்ஃபிகா் ரஹிம் 5 பவுண்டரிகளுடன் 40 ரன்கள் அடித்தாா். இலங்கை அணியில் பிரவீண் ஜெயவிக்ரமா 5 விக்கெட்டுகள் வீழ்த்தினாா். அவரே ஆட்டநாயகன் ஆனாா்.