ஐசிசி டி20 தரவரிசையில் இந்திய வீரர் கேஎல் ராகுல் 5-வது இடத்துக்கு முன்னேறியுள்ளார்.
வங்கதேசத்துக்கு எதிரான 3 ஆட்டங்கள் கொண்ட டி20 தொடரில் சிறப்பான ஆட்டங்களை வெளிப்படுத்திய பாகிஸ்தான் வீரர் முகமது ரிஸ்வான் 4-வது இடத்தில் உள்ளார். நியூசிலாந்துக்கு எதிரான டி20 தொடரில் 2 ஆட்டங்களில் விளையாடி 80 ரன்கள் எடுத்த ராகுல் 5-வது இடத்துக்கு முன்னேற்றம் கண்டுள்ளார்.
இதையும் படிக்க | முதல் டெஸ்டில் அறிமுகமாகும் இந்திய வீரர்: கேப்டன் ரஹானே அறிவிப்பு
நியூசிலாந்து வீரர் மார்டின் கப்தில் 3 இடங்கள் முன்னேற்றம் கண்டு 10-வது இடத்தைப் பிடித்துள்ளார். நியூசிலாந்து டி20 தொடரில் தொடர் நாயகன் வென்ற ரோஹித் சர்மா 2 இடங்களில் முன்னேறி 13-வது இடத்தில் உள்ளார். சூர்யகுமார் யாதவ் 24 இடங்கள் முன்னேறி 59-வது இடத்தைப் பிடித்துள்ளார்.
பந்துவீச்சாளர்களில் நியூசிலாந்தின் மிட்செல் சான்ட்னர் 10 இடங்கள் முன்னேறி 13-வது இடத்தையும், இந்திய வீரர் புவனேஷ்வர் குமார் 5 இடங்கள் முன்னேறி 19-வது இடத்தையும் பிடித்துள்ளனர். தீபக் சஹார் 19 இடங்கள் முன்னேறி 40-வது இடத்தைப் பிடித்துள்ளார்.