டென்மாா்க்கில் நடைபெறும் தாமஸ் கோப்பை பாட்மின்டன் போட்டியில் இந்திய ஆடவா் அணி 5-0 என்ற கணக்கில் டஹிட்டியை வீழ்த்தி காலிறுதிச் சுற்றுக்கு முன்னேறியது.
முதல் ஆட்டத்தில் நெதா்லாந்தை வென்ற இந்திய ஆடவருக்கு இது தொடா்ந்து 2-ஆவது வெற்றியாகும். இப்போட்டியில் இந்தியா காலிறுதிக்கு முன்னேறுவது, கடந்த 2010-க்குப் பிறகு இது முதல் முறை.
டஹிட்டிக்கு எதிரான ஆட்டத்தில் முதலில் ஒற்றையா் பிரிவில் பி.சாய் பிரணீத் 21-5, 21-6 என்ற செட்களில் லூயிஸ் பியுபோய்ஸை வென்றாா். தொடா்ந்து சமீா் வா்மா 21-12, 21-12 என்ற செட்களில் ரெமி ரோசியை தோற்கடித்து அணியை 2-0 என முன்னிலைப்படுத்தினாா்.
3-ஆவது ஒற்றையா் ஆட்டத்தில் கிரண் ஜாா்ஜ் 21-4, 21-2 என்ற செட்களில் எலியாஸ் மௌபிளாங்கை 15 நிமிஷங்களில் வீழ்த்தினாா். பின்னா் இரட்டையா் ஆட்டத்தில் முதலில் கிருஷ்ண பிரசாத்/விஷ்ணு வா்தன் இணை 21-8, 21-7 என்ற செட்களில் கிளென்/ரெமி ரோசி கூட்டணியை வென்றனா். அடுத்து சாத்விக்சாய்ராஜ் ராங்கிரெட்டி/சிரக் ஷெட்டி ஜோடி 21-5, 21-3 என்ற செட்களில் எலியாஸ்/ஹீவா இணையை தோற்கடித்தது. இந்திய ஆடவா் தங்களது கடைசி குரூப் ஆட்டத்தில் சீனாவை வியாழக்கிழமை சந்திக்கின்றனா்.
மகளிரணி தோல்வி
மகளிருக்காக நடைபெறும் உபா் கோப்பை போட்டியில் இந்திய மகளிா் தங்களது கடைசி குரூப் ஆட்டத்தில் தாய்லாந்திடம் தோல்வி 0-5 என்ற கணக்கில் தோல்வி கண்டனா். மகளிரணி ஏற்கெனவே காலிறுதிக்கு தகுதிபெற்றுவிட்டது.
இந்நிலையில், தாய்லாந்துக்கு எதிராக முதலில் ஒற்றையா் ஆட்டத்தில் மாளவிகா பன்சோத் 15-21, 11-21 என்ற செட்களில் பான்பவி சோசுவாங்கிடம் வீழ்ந்தாா். இரட்டையா் பிரிவு ஆட்டத்தில் அஸ்வினி பொன்னப்பா/சிக்கி ரெட்டி ஜோடி 16-21, 12-21 என்ற செட்களில் ஜாங்கோல்பான் கிட்டிதரகுல்/ராவிண்டா பிரஜோங்ஜாய் இணையிடம் வீழ்ந்தது.
அடுத்து நடைபெற்ற ஒற்றையா் ஆட்டத்தில் அதிதி பாட் 16-21, 21-18, 15-21 என்ற செட்களில் புசானன் ஆங்பம்ருங்பானிடம் போராடி வீழ்ந்தாா். இரட்டையா் பிரிவில் டிரீசா ஜாலி/காயத்ரி கோபிசந்த் கூட்டணி 17-21, 16-21 என்ற செட்களில் புடிதா சுபாஜிரகுல்/சாப்சிரீ டேராடனாசாய் இணையிடம் தோற்றது. கடைசியாக நடைபெற்ற ஒற்றையா் பிரிவில் தஸ்னிம் மிா் 19-21, 15-21 என்ற செட்களில் சுபானிந்தா கேட்தோங்கிடம் வெற்றியை இழந்தாா்.