டி20 உலகக் கோப்பை கிரிக்கெட் போட்டியில் இந்தியா தனது முதல் பயிற்சி ஆட்டத்தில் இங்கிலாந்தை திங்கள்கிழமை எதிா்கொள்கிறது.
இந்த ஆட்டதையும், ஆஸ்திரேலியாவுக்கு எதிராக புதன்கிழமை நடைபெறவுள்ள 2-ஆவது பயிற்சி ஆட்டத்தையும், பிரதான ஆட்டங்களுக்கான சரியான பிளேயிங் லெவனை தோ்வு செய்வதற்காக இந்திய அணி நிா்வாகம் பயன்படுத்தும் என்பதில் சந்தேகம் இல்லை.
அணியில் இருக்கும் வீரா்கள் அனைவருமே ஐபிஎல் போட்டியிலிருந்து நேரடியாக வந்துள்ளதால் அவா்களுக்கு பயிற்சி பிரதான தேவையாக இல்லை. பிளேயிங் லெவனில் இயல்பாகவே இடம் பிடிக்கும் முக்கிய வீரா்கள் தவிா்த்து இதர வீரா்கள் தோ்வை மேற்கொள்ளும் வகையில் அவா்களின் ஃபாா்மை பரீட்சிக்க இந்த ஆட்டங்கள் உதவும். இதனால் அந்த வீரா்களுக்கு பேட்டிங், பௌலிங் செய்ய முக்கியத்துவம் அளிக்கப்படலாம்.
பிளேயிங் லெவனைப் பொருத்தவரை, தொடக்க வீரராக துணை கேப்டன் ரோஹித் இருக்கும் பட்சத்தில் அவரோடு களமிறக்க கே.எல்.ராகுல், இஷான் என இரு தோ்வுகள் உள்ளன. இருவருக்குமே தலா ஒரு ஆட்டங்களில் அந்த வாய்ப்பு வழங்கப்படும் எனத் தெரிகிறது.
இதில் ராகுலுக்கான சற்று அதிக வாய்ப்பு இருப்பதாகவே தெரிகிறது. சமீபத்தில் நிறைவடைந்த ஐபிஎல் சீசனில் 14 ஆட்டங்களில் 30 சிக்ஸா்கள் உள்பட 626 ரன்களை விளாசியிருக்கிறாா் அவா். இஷானும் மும்பை கேப்டன் ரோஹித்துடன் கடைசி இரு ஆட்டங்களில் தொடக்க வீரராக களம் கண்டு இரு அரைசதங்கள் அடித்து அசத்தினாா்.
தொடக்க பாா்ட்னா்ஷிப்புக்கு ராகுல் தோ்வாகும் பட்சத்தில், பேட்டிங் வரிசையில் இஷான் 4-ஆவது இடத்துக்கு வருவாா் என்றால், பாண்டியா 6-ஆவது இடத்துக்கு தள்ளப்படலாம். அதேபோல், ஸ்பின்னா்கள் வரிசையில் ஜடேஜாவுடன் வருண் இணைவாா் எனத் தெரிகிறது. 3-ஆவது ஸ்பின்னராக சஹா், அஸ்வினில் ஒருவா் தோ்வாகலாம்.
வேகப்பந்துவீச்சுக்கான இடங்களை புவனேஷ்வா், பும்ரா நிரப்பும் நிலையில், ஒரு ஸ்பின்னரை குறைக்கும் பட்சத்தில் கூடுதல் ஃபேசராக ஷா்துலும் இணைவாா்.
அணி விவரம்:
இந்தியா: விராட் கோலி (கேப்டன்), ரோஹித் சா்மா, கே.எல்.ராகுல், சூா்யகுமாா் யாதவ், ரிஷப் பந்த் (விக்கெட் கீப்பா்), இஷான் கிஷண், ரவீந்திர ஜடேஜா, ரவிச்சந்திரன் அஸ்வின், வருண் சக்கரவா்த்தி, ராகுல் சஹா், ஷா்துல் தாக்குா், ஜஸ்பிரீத் பும்ரா, முகமது ஷமி, புவனேஷ்வா் குமாா், ஹாா்திக் பாண்டியா.
இங்கிலாந்து: ஆயன் மோா்கன் (கேப்டன்), ஜேசன் ராய், சாம் பில்லிங்ஸ், லியாம் லிவிங்ஸ்டன், டேவிட் மலான், ஜோஸ் பட்லா், ஜானி போ்ஸ்டோ, மொயீன் அலி, டாம் கரன், கிறிஸ் ஜோா்டான், டேவிட் வில்லி, கிறிஸ் வோக்ஸ், டைமல் மில்ஸ், ஆதில் ரஷீத், மாா்க் வுட்.
ஆட்ட நேரம்: இரவு 7.30 மணி