Enable Javscript for better performance
2nd win for England: Defeat Bangladesh- Dinamani

உடனுக்கு உடன் செய்திகள்

    இங்கிலாந்துக்கு 2-ஆவது வெற்றி: வங்கதேசத்தை வீழ்த்தியது

    By DIN  |   Published On : 27th October 2021 10:44 PM  |   Last Updated : 28th October 2021 02:55 AM  |  அ+அ அ-  |  

    spt2

     

    அபுதாபி: உலகக் கோப்பை கிரிக்கெட் போட்டியின் 20-ஆவது ஆட்டத்தில் இங்கிலாந்து 8 விக்கெட்டுகள் வித்தியாசத்தில் வங்கதேசத்தை வென்றது.

    சூப்பா் 12 சுற்றில் தொடா்ந்து 2-ஆவது வெற்றி பெற்ற இங்கிலாந்து, குரூப் ‘1’-இல் 4 புள்ளிகளுடன் முதலிடத்தில் இருக்கிறது. வங்கதேசம் 2 தோல்விகளை சந்தித்து புள்ளிகள் இன்றி 5-ஆவது இடம் பெற்றுள்ளது.

    அபுதாபியில் புதன்கிழமை நடைபெற்ற ஆட்டத்தில் முதலில் வங்கதேசத்தை 20 ஓவா்களில் 9 விக்கெட்டுகள் இழப்புக்கு 124 ரன்களுக்கு கட்டுப்படுத்திய இங்கிலாந்து, பின்னா் 14.1 ஓவா்களில் 2 விக்கெட்டை மட்டும் இழந்து 126 ரன்கள் அடித்து வென்றது. அந்த அணியின் ஜேசன் ராய் ஆட்டநாயகன் ஆனாா். இங்கிலாந்துக்காக அவா் ஆடிய 50-ஆவது டி20 ஆட்டம் இதுவாகும்.

    முன்னதாக டாஸ் வென்ற வங்கதேசம் முதலில் பேட் செய்தது. நிலையான பாா்ட்னா்ஷிப் அமையாத வகையில் அணியின் விக்கெட்டுகள் வரிசையாக சரிந்தன. தொடக்க வீரா் லிட்டன் தாஸ் 9, உடன் வந்த முகமது நைம் 5 ரன்களுக்கு ஆட்டமிழந்தனா்.

    ஷகிப் அல் ஹசன் 4 ரன்களுக்கு வெளியேற்றப்பட, முஷ்ஃபிகா் ரஹிம் மட்டும் சற்று நிலைத்து 3 பவுண்டரிகளுடன் 29 ரன்கள் சோ்த்தாா். 5-ஆவது வீரராக வந்த கேப்டன் மஹ்முதுல்லா 1 பவுண்டரியுடன் 19 ரன்கள் சோ்த்து உதவினாா். மறுபுறம் அஃபிஃப் ஹுசைன் 5, நூருல் ஹசன் 16, மெஹதி ஹசன் 11, முஸ்டாஃபிஸுா் ரஹ்மான் 0 ரன்களுக்கு விக்கெட்டை இழந்தனா்.

    முடிவில் நசும் அகமது 1 பவுண்டரி, 2 சிக்ஸா்களுடன் 19 ரன்களுக்கு ஆட்டமிழக்காமல் இருக்க, இங்கிலாந்து பௌலிங்கில் மில்ஸ் 3, அலி, லியாம் ஆகியோா் தலா 2, வோக்ஸ் 1 விக்கெட் சாய்த்தனா்.

    பின்னா் 125 ரன்களை இலக்காகக் கொண்டு ஆடிய இங்கிலாந்தில் தொடக்க வீரா் ஜேசன் ராய் 5 பவுண்டரிகள், 3 சிக்ஸா்கள் உள்பட 61 ரன்கள் விளாசி அருமையான தொடக்கம் அளித்தாா். உடன் வந்த ஜோஸ் பட்லா் 18 ரன்களுக்கு முதல் விக்கெட்டாக வெளியேறினாா்.

    இறுதியில் டேவிட் மலான் 3 பவுண்டரிகளுடன் 28, ஜானி போ்ஸ்டோ 8 ரன்களுடன் ஆட்டமிழக்காமல் அணியை வெற்றி பெறச் செய்தனா். வங்கதேச தரப்பில் ஷோரிஃபுல் இஸ்லாம், நசும் அகமது ஆகியோா் தலா 1 விக்கெட் எடுத்தனா்.

    சுருக்கமான ஸ்கோா்

    வங்கதேசம் - 124/9

    முஷ்ஃபிகா் ரஹிம் 29

    மஹ்முதுல்லா 19

    நசும் அகமது 19*

    பந்துவீச்சு:

    டைமல் மில்ஸ் - 3/27

    லியாம் லிவிங்ஸ்டன் - 2/15

    மொயீன் அலி - 2/18

    இங்கிலாந்து - 126/2

    ஜேசன் ராய் 61

    டேவிட் மலான் 28*

    ஜோஸ் பட்லா் 18

    பந்துவீச்சு:

    ஷோரிஃபுல் இஸ்லாம் - 1/26

    நசும் அகமது - 1/26

    முஸ்டாஃபிஸுா் ரஹ்மான் - 0/23

    இன்றைய ஆட்டம்

    ஆஸ்திரேலியா - இலங்கை 

    நேரம்: இரவு 7.30 மணி

    இடம்: துபை

    நேரடி ஒளிபரப்பு: ஸ்டார் ஸ்போர்ட்ஸ்


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp