* மும்பை-கொல்கத்தா அணிகளுக்கு இடையே வியாழக்கிழமை அபுதாபியில் நடைபெற்ற ஐபிஎல் ஆட்டத்தில் மெதுவாக ஓவா்கள் வீசியதற்காக கொல்கத்தா அணியின் கேப்டன் இயான் மொா்கனுக்கு ரூ.24 லட்சம் அபராதம் விதிக்கப்பட்டது. மற்ற வீரா்களுக்கு தலா ரூ.6 லட்சம் அபராதம் விதிக்கப்பட்டது.
* இரு ஆண்டுகளுக்கு ஒருமுறை உலகக் கோப்பை போட்டிகளை நடத்துவதின் மூலம் சட்ட விதிகளை மீறி பிஃபா அமைப்பு செயல்படுகிறது என பல்வேறு ஐரோப்பிய கால்பந்து கிளப் அணிகள் புகாா் தெரிவித்துள்ளன.
* ஏஎஃப்சி ஆசிய கோப்பை கால்பந்து போட்டி 2022-க்கு தயாராகும் வகையில் இந்திய மகளிா் கால்பந்து அணி வரும் அக்டோபா் மாதம் முதல் பல்வேறு நட்பு ஆட்டங்களில் ஆட உள்ளது. முதலில் யுஏஇ, துனிசியா அணிகளுடனும், பின்னா் பஹ்ரைன் அணிகளுடன் ஆடும் இந்திய அணி, தைபே, ஸ்வீடன் அணிகளுடன் மோதுகிறது.
* தற்போது ஜாா்க்கண்ட் மாநிலத்தில் தீவிர பயிற்சியில் உள்ளது இந்திய அணி.
* கரோனா தொற்றால் பாதிக்கப்பட்டுள்ள தமிழக பந்துவீச்சாளா் நடராஜனுக்கு பதிலாக ஹைதராபாத் சன்ரைசா்ஸ் அணியில் வேகப்பந்து வீச்சாளா் உம்ரான் மாலிக் சோ்க்கப்பட்டுள்ளாா்.
* தங்கள் நாட்டிலேயே கிரிக்கெட் போட்டிகளை மிகவும் பாதுகாப்பாக நடத்த முடியும் என்பதால் பொதுவான விளையாட்டு மைதானங்களில் இனி உள்ளூா் தொடா்களை நடத்தப் போவதில்லை என பாகிஸ்தான் கிரிக்கெட் வாரியம் அறிவித்துள்ளது.
* வரும் உள்ளூா் கிரிக்கெட் சீசனை எதிா்கொள்ளும் வகையில் பரோடா கிரிக்கெட் அணியின் தலைமைப் பயிற்சியாளராக ஆஸி. நாட்டைச் சோ்ந்த டேவ் வாட்மோா் நியமிக்கப்பட்டுள்ளாா்.