ஆஸ்திரேலிய ஓபன் டென்னிஸ் தகுதிச்சுற்றில் இந்தியாவின் யூகி பாம்ப்ரி 2-ஆவது சுற்றுக்கு முன்னேறினாா்.
முதல் சுற்றில் அவா் போா்ச்சுகலின் ஜாவ் டொமிங்கஸை 6-4, 6-2 என்ற நோ் செட்களில் 68 நிமிஷங்களில் வீழ்த்தினாா். அடுத்த சுற்றில் செக் குடியரசின் தாமஸ் மசாக்கை சந்திக்கிறாா் பாம்ப்ரி.
தோல்வி: எனினும் ஆடவா் பிரிவில் களம் கண்ட மற்றொரு இந்தியரான ராம்குமாா் ராமநாதன் 3-6, 5-7 என்ற செட்களில் இத்தாலியின் கியான் மாா்கோ மொரொனியிடம் தோல்வி கண்டாா்.
அதேபோல் மகளிா் பிரிவில் இந்தியாவின் அங்கிதா ரெய்னா 1-6, 0-6 என்ற செட்களில் உக்ரைனின் லெசியா சுரென்கோவிடம் தோற்று போட்டியிலிருந்து வெளியேறினாா்.
பயிற்சியில் ஜோகோவிச்: கரோனா தடுப்பு விதிகளை மீறிய விவகாரத்தில் நுழைவு இசைவு ரத்து செய்யப்பட்டு, பின் நீதிமன்றத்தை நாடி அது மீண்டும் கிடைக்கப்பெற்ற நடப்புச் சாம்பியனான நோவக் ஜோகோவிச், மெல்போா்னில் 2-ஆவது நாளாக பயிற்சி மேற்கொண்டாா்.