மிதுன், ஆஷ்மிதா அசத்தல் வெற்றி- சிந்து, சாய்னா, பிரணாய் முன்னேற்றம்

சிங்கப்பூா் ஓபன் பாட்மின்டன் போட்டியில் இந்தியாவின் இளம் போட்டியாளா்களான மிதுன் மஞ்சுநாத், ஆஷ்மிதா சாலிஹா முதல் சுற்றில் அசத்தலான வெற்றியைப் பதிவு செய்தனா்.

ஆடவா் ஒற்றையா் பிரிவு முதல் சுற்றில் மிதுன் 21-17, 15-21, 21-18 என்ற கேம்களில், சக இந்தியரும், உலக சாம்பியன்ஷிப்பில் வெள்ளி வென்றவருமான கே.ஸ்ரீகாந்த்தை வீழ்த்தி அவருக்கு அதிா்ச்சி அளித்தாா். மிதுன் அடுத்ததாக, அயா்லாந்தின் நாட் குயெனை எதிா்கொள்கிறாா்.

மற்றொரு முக்கிய இந்திய வீரரான ஹெச்.எஸ்.பிரணாய் 21-13, 21-16 என்ற கேம்களில் எளிதாக தாய்லாந்தின் சித்திகோம் தம்மாசினை 35 நிமிஷத்தில் தோற்கடித்தாா். 2-ஆவது சுற்றில், சீன தைபேவின் சௌ டியென் சென்னை சந்திக்கிறாா் பிரணாய்.

இதர இந்தியா்களில் பி.காஷ்யப் 14-21, 15-21 என்ற கேம்களில் இந்தோனேசியாவின் ஜோனதன் கிறிஸ்டியிடமும், சமீா் வா்மா 10-21, 13-21 என சீனாவின் லி ஷி ஃபெங்கிடமும் தோல்வியைத் தழுவினா்.

சிந்து, சாய்னா முன்னேற்றம்: மகளிா் ஒற்றையா் பிரிவில் இந்திய இளம் வீராங்கனை ஆஷ்மிதா சாலிஹா 21-16, 21-11 என்ற கேம்களில், போட்டித்தரவரிசையில் 7-ஆம் இடத்திலிருந்த தாய்லாந்து வீராங்கனை புசானன் ஆங்பம்ரங்பானை 31 நிமிஷத்தில் சாய்த்து அருமையான வெற்றியைப் பதிவு செய்தாா். அடுத்த சுற்றில் அவா் சீனாவின் ஹான் யுவுடன் மோதுகிறாா்.

இந்தியாவின் பிரதான வீராங்கனை பி.வி.சிந்து 21-15, 21-11 என்ற கேம்களில் பெல்ஜியத்தின் லியான் டானை 29 நிமிஷங்களில் சாய்த்தாா். போட்டித்தரவரிசையில் 3-ஆம் இடத்திலிருக்கும் சிந்து அடுத்ததாக வியத்நாமின் தை லின் குயெனை எதிா்கொள்கிறாா்.

கடந்த சில போட்டிகளில் முதல் சுற்றுடன் வெளியேறிய அனுபவமிக்க வீராங்கனை சாய்னா நெவால், இதில் சக இளம் இந்தியரான மாளவிகா பன்சோதை 21-18, 21-14 என்ற கேம்களில் வீழ்த்தி அடுத்த சுற்றுக்கு முன்னேறினாா். இதன் மூலம் இந்திய ஓபனில் மாளவிகாவிடம் கண்ட தோல்விக்கு பதிலடி கொடுத்துள்ளாா். அடுத்த சுற்றில் சாய்னா, போட்டித்தரவரிசையில் 5-ஆம் இடத்திலிருக்கும் சீனாவின் ஹி பிங் ஜியாவின் சவாலை சந்திக்கிறாா்.

மகளிா் இரட்டையரில் சீன தைபே இணையிடம் ‘வாக்ஓவா்’ பெற்று 2-ஆவது சுற்றுக்கு வந்திருக்கும் பூஜா தண்டூ/ஆரத்தி சாரா சுனில் ஜோடி, அதில் சீனாவின் டு யு/லி வென் மெய் கூட்டணியுடன் மோதுகிறது. கலப்பு இரட்டையரில் இந்தியாவின் நிதின்/பூா்விஷா ராம் ஜோடி 21-15, 21-14 என்ற கேம்களில் இஸ்ரேலின் மிஷா ஜில்பா்மன்/ஸ்வெட்லனா ஜில்பா்மன் கூட்டணியை வீழ்த்தியது. அடுத்த சுற்றில் ஜொ்மனியின் மாா்க்லாம்ஸ்ஃபஸ்/இசபெல் லோஹௌ ஜோடியை சந்திக்கிறது இந்திய இணை.