நியூசிலாந்துக்கு எதிராக லார்ட்ஸ் மைதானத்தில் நடைபெறவுள்ள முதல் டெஸ்ட் ஆட்டத்துக்கான இங்கிலாந்து அணியில் மூத்த வேகப்பந்துவீச்சாளர்கள் ஜேம்ஸ் ஆண்டர்சன், ஸ்டுவர்ட் பிராட் ஆகியோர் இடம்பெற்றுள்ளனர்.
இங்கிலாந்துக்குப் பயணம் மேற்கொண்டுள்ள நியூசிலாந்து கிரிக்கெட் அணி 3 ஆட்டங்கள் கொண்ட டெஸ்ட் தொடரில் விளையாடுகிறது. முதல் டெஸ்ட் ஆட்டம் லண்டன் லார்ட்ஸ் மைதானத்தில் நாளை (வியாழக்கிழமை) தொடங்குகிறது. இந்த ஆட்டத்துக்கான இங்கிலாந்து அணி இன்று (புதன்கிழமை) அறிவிக்கப்பட்டது.
இதையும் படிக்க | கங்குலி ராஜிநாமா செய்யவில்லை: பிசிசிஐ செயலர் ஜெய் ஷா
முந்தைய தொடர்களில் அணியிலிருந்து நீக்கப்பட்ட ஜேம்ஸ் ஆண்டர்சன், ஸ்டுவர்ட் பிராட் ஆகியோர் இந்த ஆட்டத்தில் ஒருசேர விளையாடவுள்ளனர். இதுதவிர அறிமுக வேகப்பந்துவீச்சாளராக மேத்யூ பாட்ஸ் சேர்க்கப்பட்டுள்ளார்.
லார்ட்ஸ் டெஸ்டுக்கான இங்கிலாந்து அணி:
ஸாக் கிராலே, அலெக்ஸ் லீஸ், ஆலி போப், ஜோ ரூட், ஜானி பேர்ஸ்டோவ், பென் ஸ்டோக்ஸ் (கேப்டன்), பென் ஃபோக்ஸ் (விக்கெட் கீப்பர்), மேத்யூ பாட்ஸ், ஜேக் லீச், ஸ்டுவர்ட் பிராட், ஜேம்ஸ் ஆண்டர்சன்.
இங்கிலாந்து கேப்டனாக பென் ஸ்டோக்ஸும், தலைமைப் பயிற்சியாளராக பிரெண்டன் மெக்கல்லமும் பொறுப்பேற்ற பிறகு நடைபெறவுள்ள முதல் ஆட்டம் இது என்பதால் எதிர்பார்ப்பு உச்சத்தில் உள்ளது.