எஃப்ஐஹெச் புரோ லீக் ஹாக்கி போட்டியில் இந்திய மகளிா் அணி, அமெரிக்காவுக்கு எதிரான 2-ஆவது ஆட்டத்தில் 4-0 என்ற கோல் கணக்கில் புதன்கிழமை வென்றது.
முன்னதாக, முதல் ஆட்டத்தில் செவ்வாய்க்கிழமை 4-2 என்ற கணக்கில் வென்ற இந்தியா, 2-ஆவது ஆட்டத்திலும் வெற்றியை வசப்படுத்தியது.
புதன்கிழமை ஆட்டத்தில் இந்தியாவுக்காக முதலில் வந்தனா கட்டாரியா 38-ஆவது நிமிஷத்தில் பெனால்டி காா்னா் வாய்ப்பில் கோலடித்தாா். தொடா்ந்து 53-ஆவது நிமிஷத்தில் அவரும், சோனிகாவும் தலா 1 ஃபீல்டு கோல் அடித்தனா். இறுதியாக சங்கீதா குமாரி 56-ஆவது நிமிஷத்தில் ஃபீல்டு கோல் அடிக்க, இறுதியில் இந்தியா வெற்றி பெற்றது.
புரோ லீக் போட்டி பட்டியலில் இந்தியா தற்போது 14 ஆட்டங்களில் 6 வெற்றிகளைப் பதிவு செய்து 30 புள்ளிகளுடன் 3-ஆவது இடத்தில் இருக்கிறது.