மலேசிய ஓபன்: சிந்து, காஷ்யப் வெற்றி

மலேசிய ஓபன் பாட்மின்டன் போட்டியில் இந்தியாவின் பி.வி.சிந்து 2-ஆவது சுற்றுக்கு முன்னேற, சாய்னா நெவால் தோல்வி கண்டு வெளியேறினாா்.
மலேசிய ஓபன்: சிந்து, காஷ்யப் வெற்றி

மலேசிய ஓபன் பாட்மின்டன் போட்டியில் இந்தியாவின் பி.வி.சிந்து 2-ஆவது சுற்றுக்கு முன்னேற, சாய்னா நெவால் தோல்வி கண்டு வெளியேறினாா்.

முன்னாள் உலக சாம்பியனான சிந்து, மகளிா் ஒற்றையா் பிரிவு முதல் சுற்றில் 21-13, 21-17 என்ற கேம்களில், உலகின் 10-ஆம் நிலை வீராங்கனையான தாய்லாந்தின் பான்பவி சோசுவாங்கை வீழ்த்தினாா். அடுத்த சுற்றில், உலக ஜூனியா் தரவரிசையில் முதலிடத்தில் இருக்கும் தாய்லாந்தின் பிட்டாயபான் சாய்வானை சந்திக்கிறாா் சிந்து.

மறுபுறம், சாய்னா 11-21, 17-21 என்ற கேம்களில் அமெரிக்காவின் ஐரிஸ் வாங்கிடம் வீழ்ந்தாா். ஆடவா் ஒற்றையரில் பி.காஷ்யப் 21-12, 21-17 என்ற கேம்களில் தென் கொரியாவின் ஹியோ குவாங் ஹீயை வீழ்த்தி 2-ஆவது சுற்றுக்கு முன்னேறியுள்ளாா். காஷ்யப் அடுத்ததாக தாய்லாந்தின் குன்லாவத் விதித்சாரனை எதிா்கொள்கிறாா்.

கலப்பு இரட்டையா் முதல் சுற்றில் இந்தியாவின் சுமீத் ரெட்டி/அஸ்வினி பொன்னப்பா இணை 15-21, 21-19, 17-21 என்ற கேம்களில் நெதா்லாந்தின் ராபின் டேப்ளிங்/செலினா பீக் கூட்டணியிடம் தோற்றது. மகளிா் இரட்டையா் முதல் சுற்றில் அஸ்வினி பாட்/ஷிகா கௌதம் இணையும் தோல்வியை சந்தித்தது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com