Enable Javscript for better performance
ICC Women's World Cup AUS Women won by 7 wickets- Dinamani

உடனுக்கு உடன் செய்திகள்

    உலகக் கோப்பையில் இன்னொரு மோசமான தோல்வி: என்ன ஆச்சு மே.இ. தீவுகள் மகளிர் அணிக்கு?

    By DIN  |   Published On : 15th March 2022 12:00 PM  |   Last Updated : 15th March 2022 12:00 PM  |  அ+அ அ-  |  

    Ashleigh_Gardner_left_aus_odi_team_AP22062031607240xx

    ஆஸ்திரேலிய அணி (கோப்புப் படம்)

     

    மேற்கிந்தியத் தீவுகள் அணி மகளிர் ஒருநாள் உலகக் கோப்பையைத் தொடங்கிய விதம் இதர அணிகளை மிரட்டும் விதத்தில் இருந்தது. 

    முதல் இரு ஆட்டங்களில் மிகவும் வலுவான அணிகளான நியூசிலாந்து, இங்கிலாந்தை எதிர்கொண்டது. பரபரப்பான முறையில் நடைபெற்ற இரு ஆட்டங்களிலும் நூலிழையில் வெற்றி பெற்று அசத்தியது மே.இ. தீவுகள் அணி. இதனால் இந்த உலகக் கோப்பையில் இதர அணிகளுக்குக் கடும் சவாலை அளிக்கும் என எதிர்பார்க்கப்பட்டது.

    3-வது ஆட்டத்தில் இந்தியாவுடன் மோதி மோசமாகத் தோற்றது. இந்தியா 317 ரன்கள் குவித்தது. மே.இ. தீவுகள் அணி 162 ரன்களுக்கு ஆட்டமிழந்தது.

    இன்று வெலிங்டனில் நடைபெற்ற ஆட்டத்தில் ஆஸ்திரேலியாவுடன் மோதியது மேற்கிந்தியத் தீவுகள் அணி. ஆஸ்திரேலிய அணி இதுவரை தோல்வியே சந்திக்காமல் அட்டகாசமாக விளையாடி வருகிறது. அதனால் மே.இ. தீவுகள் அணி, ஆஸி. அணியை எப்படி எதிர்கொள்ளும் என்கிற எதிர்பார்ப்பு இருந்தது. 

    டாஸ் வென்ற மே.இ. தீவுகள் அணி, பேட்டிங்கைத் தேர்வு செய்தது. ஆஸி. அணி அற்புதமாக பந்துவீசியதால் மே.இ. தீவுகள் அணி 45.5 ஓவர்களில் 131 ரன்களுக்கு ஆட்டமிழந்தது. கேப்டன் ஸ்டஃபானி டெய்லர் 50 ரன்கள் எடுத்தார். ஆஸி. அணியின் எல்லீஸ் பெர்ரி, கார்ட்னர்  ஆகிய இருவரும் தலா 3 விக்கெட்டுகளை வீழ்த்தினார்கள். 

    இதன்பிறகு விளையாடிய ஆஸ்திரேலிய அணி, 30.2 ஓவர்களில் 3 விக்கெட் இழப்புக்கு 132 ரன்கள் எடுத்து வெற்றி பெற்றது. ரேச்சல் ஹேய்ன்ஸ் 83 ரன்கள் எடுத்துக் கடைசிவரை ஆட்டமிழக்காமல் இருந்தார். 

    மகளிர் உலகக் கோப்பையில் 4 ஆட்டங்களில் விளையாடி அனைத்திலும் வெற்றி பெற்று புள்ளிகள் பட்டியலில் முதலிடத்தில் உள்ளது ஆஸி. அணி. மே.இ. தீவுகள் அணி 4 ஆட்டங்களில் இரு வெற்றிகளுடன் 4 புள்ளிகளைக் கொண்டு புள்ளிகள் பட்டியலில் 5-ம் இடத்தில் உள்ளது. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp