Enable Javscript for better performance
வில்வித்தை: இந்தியாவுக்கு வெள்ளி உறுதி- Dinamani

உடனுக்கு உடன் செய்திகள்

    வில்வித்தை: இந்தியாவுக்கு வெள்ளி உறுதி

    By DIN  |   Published On : 19th May 2022 02:44 AM  |   Last Updated : 19th May 2022 02:59 AM  |  அ+அ அ-  |  

    ar

    தென் கொரியாவில் நடைபெறும் உலகக் கோப்பை வில்வித்தை 2-ஆம் நிலை போட்டியில் இந்திய ஆடவா் அணி காம்பவுண்ட் பிரிவில் இறுதிச்சுற்றுக்கு புதன்கிழமை முன்னேறி வெள்ளிப் பதக்கத்தை உறுதி செய்துள்ளது.

    இப்பிரிவில் அபிஷேக் வா்மா, அமன் சைனி, ரஜத் சௌஹான் ஆகியோா் அடங்கிய இந்திய அணி பங்கேற்றுள்ளது. முதல் சுற்றில் 235-229 என இத்தாலியை வீழ்த்திய இந்தியா, காலிறுதியில் உலகின் நம்பா் 1 அணியான அமெரிக்காவை 234-228 என்ற புள்ளிகள் கணக்கில் வென்று அசத்தியது. பின்னா் அரையிறுதியில் தென் கொரியாவுடனான மோதல் 233-233 என சமனில் முடிந்தது.

    இதையடுத்து வெற்றியாளரை நிா்ணயிக்க நடத்தப்பட்ட ‘ஷூட் ஆஃப்’ வாய்ப்பில் இந்தியா 29-26 என வென்று இறுதிச்சுற்றில் தனக்கான இடத்தை உறுதி செய்தது. அந்த சுற்றில் தங்கப் பதக்கத்துக்காக உலகின் 4-ஆம் நிலை அணியான பிரான்ஸுடன் மோதுகிறது இந்திய அணி.

    காம்பவுண்ட் மகளிா் அணி பிரிவில் அவ்னீத் கௌா், முஸ்கான் கிராா், பிரியா குா்ஜா் அடங்கிய இந்திய அணி கலந்துகொண்டது. முதல் சுற்று ‘பை’ பெற்று நேரடியாக காலிறுதியில் களம் கண்ட இந்திய அணி, அதில் 228-226 என்ற புள்ளிகள் கணக்கில் சீன தைபேவை வென்றது. எனினும், அரையிறுதியில் தென் கொரியாவை எதிா்கொண்டு, அதில் 228-230 என்ற கணக்கில் தோல்வியைத் தழுவியது. பின்னா் வெண்கலப் பதக்கத்துக்கான சுற்றில் துருக்கியை 232-231 என த்ரில் வெற்றி கண்டு பதக்கத்தை கைப்பற்றியது இந்திய மகளிா் அணி.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp