Enable Javscript for better performance
ஆசியக் கோப்பை டி-20: 6வது முறையாக இலங்கை சாம்பியன்- Dinamani

உடனுக்கு உடன் செய்திகள்

    ஆசியக் கோப்பை டி-20: 6வது முறையாக இலங்கை சாம்பியன்

    By DIN  |   Published On : 11th September 2022 11:30 PM  |   Last Updated : 11th September 2022 11:59 PM  |  அ+அ அ-  |  

    Srilanka_T20_edid

     

    ஆசியக் கோப்பை இறுதி ஆட்டத்தில் பாகிஸ்தான் அணிக்கு எதிரான போட்டியில் இலங்கை அணி 23 ரன்கள் வித்தியாசத்தில் வெற்றி பெற்று கோப்பையைத் தட்டிச்சென்றது.

    பாகிஸ்தான் மற்றும் இலங்கை அணிகள் மோதும் இறுதிப் போட்டி துபை சர்வதேச மைதானத்தில் இன்று (செப்.11) நடைபெற்றது. 

    இந்தப் போட்டியில் டாஸ் வென்ற பாகிஸ்தான் அணியின் கேப்டன் பாபர் அசாம் பந்துவீச்சைத் தேர்வு செய்தார். இதனைத் தொடர்ந்து, இலங்கை அணி முதலில் பேட் செய்தது.

    தொடக்க ஆட்டக்காரர்களாக பதும் நிசங்கா மற்றும் குஷால் மெண்டிஸ் தடுமாற்றமான ஆட்டத்தையே அளித்தனர். இதனைத் தொடர்ந்து களமிறங்கிய  தனஞ்ஜெயா டி சில்வா, கேப்டன் தாசுன் ஷானகா ஆகியோர் சொற்ப ரன்களிலேயே வெளியேறினர். 

    அதன்பின் ஜோடி சேர்ந்த பனுகா ராஜபட்ச மற்றும் வனிந்து ஹசரங்கா இலங்கை அணியை சரிவிலிருந்து மீட்டனர். இந்த ஜோடி அதிரடி காட்ட அணியின் ரன் விகிதம் அதிகரித்தது. 

    அதன்பின் ராஜபட்சவுடன் சமிகா கருணாரத்னே ஜோடி சேர்ந்து அதிரடி காட்டினார். சிறப்பான ஆட்டத்தை வழங்கிய பனுகா ராஜபட்ச 45 பந்துகளில் 71 ரன்கள் குவித்தார். 

    முடிவில் இலங்கை அணி நிர்ணயிக்கப்பட்ட 20 ஓவர்கள் முடிவில் 6 விக்கெட்டுகள் இழப்பிற்கு 170 ரன்களைக் குவித்தது.

    இதனை அடுத்து 171 ரன்கள் எடுத்தால் வெற்றி என்ற இலக்குடன் களமிறங்கிய பாகிஸ்தான் அணி தொடக்கத்தில் வலுவான ஆட்டத்தை வழங்கினாலும், இலங்கை அணியின் அபார பந்துவீச்சால் தடுமாறியது. தொடக்க ஆட்டக்காரரான ரிஸ்வான் 49 பந்துகளில் அரைசதம் கடந்து 55 ரன்கள் குவித்தார். 

    அதனைத் தொடர்ந்து வந்த பாபர் அஸாம் (5), நவாஸ் (6), குஷ்தில் ஷா (2), ஆசிஃப் அலி (0) உள்ளிட்டோர் சொற்ப ரன்களிலேயே ஆட்டமிழந்தனர். 

    இதனால் பாகிஸ்தான் அணி நிர்ணயிக்கப்பட்ட 20 ஓவர்களுக்கு அனைத்து விக்கெட்டுகளையும் இழந்து 147 ரன்களை மட்டுமே எடுத்தது. இதன் மூலம் 23 ரன்கள் வித்தியாசத்தில் பாகிஸ்தான் அணியை இலங்கை வீழ்த்தியது.

    இதன் மூலம் இலங்கை அணி 6வது முறையாக டி-20 ஆசியக் கோப்பையை வென்றது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp