Enable Javscript for better performance
Tamil News Duleep Trophy West Zone South Zone- Dinamani

உடனுக்கு உடன் செய்திகள்

    ஜெயிஸ்வால் 265, சர்ஃபராஸ் கான் 127 ரன்கள்: 2-வது இன்னிங்ஸில் தடுமாறும் தெற்கு மண்டல அணி!

    By DIN  |   Published On : 24th September 2022 03:03 PM  |   Last Updated : 24th September 2022 03:03 PM  |  அ+அ அ-  |  

    Sarfaraz_Khan_LIB_PTIPHOTOS1506_03467569xx

     

    தெற்கு மண்டல அணி துலீப் கோப்பையை வெல்ல 529 ரன்கள் இலக்கு நிர்ணயித்துள்ளது மேற்கு மண்டல அணி. 

    கோயம்புத்தூரில் துலீப் கோப்பை இறுதி ஆட்டம் நடைபெற்று வருகிறது. 5 நாள்களுக்கு நடைபெறும் இந்த ஆட்டத்தில் மேற்கு மண்டல அணி முதல் இன்னிங்ஸில் 270 ரன்கள் எடுத்தது. விக்கெட் கீப்பர் பேட்டர் ஹெட் படேல் 98 ரன்கள் எடுத்தார். தமிழக வீரர் சாய் கிஷோர் 5 விக்கெட்டுகளை வீழ்த்தினார். தெற்கு மண்டல அணி, 83.1 ஓவர்களில் 327 ரன்கள் எடுத்து முதல் இன்னிங்ஸில் முன்னிலை பெற்றது. தமிழக வீரர் பாபா இந்திரஜித் சிறப்பாக விளையாடி சதமடித்தார். 

    2-வது இன்னிங்ஸில் மேற்கு மண்டல அணி அபாரமாக விளையாடியது. அந்த அணி 3-ம் நாள் முடிவில் 85 ஓவர்களில் 3 விக்கெட் இழப்புக்கு 376 ரன்கள் எடுத்தது. 20 வயது தொடக்க வீரர் ஜெயிஸ்வால், 244 பந்துகளில் 3 சிக்ஸர்கள், 23 பவுண்டரிகளுடன் 209 ரன்கள் எடுத்து அசத்தினார். துலீப் கோப்பை காலிறுதியில் இரட்டைச் சதமடித்த ஜெயிஸ்வால், இறுதிச்சுற்றிலும் இன்னொரு இரட்டைச் சதமடித்து சாதனை படைத்தார். ஜெயிஸ்வால் 209, சர்ஃபராஸ் கான் 30 ரன்களுடன் களத்தில் இருந்தார்கள். ஷ்ரேயஸ் ஐயர் 71 ரன்கள் எடுத்தார். 3-ம் நாள் முடிவில் மேற்கு மண்டல அணி, 319 ரன்கள் முன்னிலை பெற்றிருந்தது. 

    இந்நிலையில் 4-ம் நாளான இன்று மேற்கு மண்டல அணி, 128 ஓவர்களில் 4 விக்கெட் இழப்புக்கு 585 ரன்கள் எடுத்து டிக்ளேர் செய்தது. ஜெயிஸ்வால் 265 ரன்களுக்கு ஆட்டமிழந்தார். சர்ஃபராஸ் கான் சதமடித்தார். சர்ஃபராஸ் 127, ஹெட் படேல் 51 ரன்களுடன் ஆட்டமிழக்காமல் இருந்தார்கள். 

    தெற்கு மண்டல அணி 2-வது இன்னிங்ஸில் தடுமாறி வருகிறது. 4-ம் நாள் தேநீர் இடைவேளையின்போது தெற்கு மண்டல அணி 12.3 ஓவர்களில் 3 விக்கெட் இழப்புக்கு 47 ரன்கள் எடுத்துள்ளது. மயங்க் அகர்வால் 14, விஹாரி 1, பாபா இந்திரஜித் 4 ரன்களுக்கு ஆட்டமிழந்துள்ளார்கள்.  


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp