Enable Javscript for better performance
ஜோகோவிச், ரூபலேவ் முன்னேற்றம்- Dinamani

உடனுக்கு உடன் செய்திகள்

    ஜோகோவிச், ரூபலேவ் முன்னேற்றம்

    By DIN  |   Published On : 24th January 2023 05:31 AM  |   Last Updated : 24th January 2023 05:31 AM  |  அ+அ அ-  |  

    ஆஸ்திரேலிய ஓபன் டென்னிஸ் போட்டியில் செர்பியாவின் நோவக் ஜோகோவிச், ரஷியாவின் ஆண்ட்ரே ரூபலேவ் ஆகியோர் காலிறுதிச்சுற்றுக்கு முன்னேறியுள்ளனர். 

    இந்தப் போட்டியில் 10-ஆவது முறையாகவும், ஒட்டுமொத்தமாக 22-ஆவது முறையாகவும் கிராண்ட்ஸ்லாம் பட்டம் வெல்லும் முனைப்புடன் இருக்கும் ஜோகோவிச், ஆடவர் ஒற்றையர் பிரிவு 4-ஆவது சுற்றில் ஆஸ்திரேலியாவின் அலெக்ஸ் டி மினாரை எதிர்கொண்டார். போட்டித்தரவரிசையில் 4-ஆம் இடத்திலிருந்த ஜோகோவிச்சுக்கும், 22-ஆவது இடத்திலிருந்த மினாருக்கும் இடையே விறுவிறுப்பாக நடைபெற்ற ஆட்டத்தின் முடிவில் ஜோகோவிச் நேர் செட்களில் 6-2, 6-1, 6-2 என எளிதாக வெற்றி பெற்றார். 

    அடுத்ததாக காலிறுதியில் அவர், ரஷியாவின் ஆண்ட்ரே ரூபலேவை சந்திக்கிறார். போட்டித்தரவரிசையில் 5-ஆம் இடத்திலிருக்கும் ரூபலேவ் தனது 4-ஆவது சுற்றில், 9-ஆம் இடத்திலிருந்த டென்மார்க்கின் ஹோல்கர் ருன் அளித்த சவாலை 6-3, 3-6, 6-3, 4-6, 7-6 (11/9) என்ற செட்களில் போராடி முறியடித்தார். 

    காலிறுதிச்சுற்றின் மற்றொரு ஆட்டத்தில் அமெரிக்காவின் டாமி பால் - சக நாட்டவரான பென் ஷெல்டன் சந்திக்கவுள்ளனர். முன்னதாக டாமி 6-2, 4-6, 6-2, 7-5 என்ற செட்களில், 24-ஆவது இடத்திலிருந்த ஸ்பெயினின் ராபர்டோ பெüதிஸ்டா அகுட்டை வீழ்த்தி வெளியேற்றினார். பென் தனது ஆட்டத்தில் 6-7 (5/7), 6-2, 6-7 (4/7), 7-6 (7/4), 6-2 என்ற செட்களில் சக நாட்டவரான ஜே.ஜே. வோல்ஃபை தோற்கடித்தார். 

    மகளிர்: இப்போட்டியின் மகளிர் ஒற்றையர் பிரிவில், போட்டித்தரவரிசையில் 4-ஆம் இடத்திலிருந்த பிரான்ஸின் கரோலின் கார்சியா 4-ஆவது சுற்றில் அதிர்ச்சித் தோல்வி கண்டார். 

    அவரை 7-6 (7/3), 6-4 என்ற செட்களில் வென்றார் போலந்தின் மக்தா லினெட். கடந்த ஆண்டு சென்னை ஓபன் மகளிர் டென்னிஸ் போட்டியில் மக்தா இறுதிச்சுற்று வரை வந்தவராவார். லினெட் தனது காலிறுதி ஆட்டத்தில் செக் குடியரசின் கரோலினா பிளிஸ்கோவாவை சந்திக்க இருக்கிறார். முன்னதாக கரோலினா 6-0, 6-4 என எளிதாக, 23-ஆவது இடத்திலிருந்த சீனாவின் ஜாங் ஷுவாயை தோற்கடித்தார். 

    போட்டித்தரவரிசையில் 5-ஆம் இடத்திலிருக்கும் பெலாரஸின் அரினா சபலென்கா 7-5, 6-2 என்ற செட்களில், 12-ஆவது இடத்திலிருந்த சுவிட்ஸர்லாந்தின் பெலிண்டா பென்சிச்சை வீழ்த்தி காலிறுதிக்கு வந்துள்ளார். குரோஷியாவின் டோனா வெகிச் 6-2, 1-6, 6-3 என்ற செட்களில் லிண்டா ஃப்ருவிர்டோவாவை வென்றார். இதையடுத்து காலிறுதி ஒன்றில் டோனா - சபலென்கா சந்தித்துக் கொள்கின்றனர். 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp