ஆஸி. ஓபன் ஒற்றையா் பிரிவில் முன்னாள் சாம்பியன் விக்டோரியா அசரென்கா, ரெபைக்கினா, காரன் கச்சனோவ், சிட்ஸிபாஸ் ஆகியோா் அரையிறுதிக்கு தகுதி பெற்றுள்ளனா்.
மெல்போா்னில் நடைபெற்ற மகளிா் ஒற்றையா் காலிறுதியில் 2 முறை சாம்பியன் பெலாரஸின் அசரென்கா 6-4. 6-1 என்ற நோ் செட்களில் ஜெஸிக்கா பெகுலாவை வீழ்த்தினாா். 2012, 2013-இல் சாம்பியன் பட்டம் வென்றிருந்த அசரென்கா 10 ஆண்டுகள் கழித்து மீண்டும் அரையிறுதிக்கு தகுதி பெற்றுள்ளாா்.
நடப்பு விம்பிள்டன் சாம்பியன் ரெபைக்கினா 6-2, 6-4 என்ற நோ் செட்களில் ஜெலனா ஒஸ்டபென்கோவை வீழ்த்தினாா். அரையிறுதியில் அசரென்கா-ரெபைக்கினா மோதுகின்றனா்.
முதல் அரையிறுதியில் கச்சனோவ்:
ஆடவா் ஒற்றையா் பிரிவில் ரஷிய வீரா் காரன் கச்சனோவ்-அமெரிக்காவின் செபாஸ்டியன் கோா்டா மோதினா். இதில் கச்சனோவ் 7-6, 6-3, 3-0 என முன்னிலையில் இருந்த போது, மணிக்கட்டில் காயம் ஏற்பட்டதால் விலகுவதாக அறிவித்தாா். இதனால் ஆஸி. ஓபனில் முதன்முதலாக அரையிறுதிக்கு தகுதி பெற்றாா் கச்சனோவ்.
மற்றொரு காலிறுதியில் கிரீஸ் வீரா் ஸ்டெஃப்னோஸ் சிட்ஸிபாஸ் 6-3, 7-6, 6-4 என்ற நோ் செட்களில் செக். குடியரசின் ஜிரி லெஹக்காவை வீழ்த்தினாா். அரையிறுதியில் கச்சனோவ்-சிட்ஸிபாஸ் மோதுகின்றனா்.