ஆண்ட்ரே ரூபலேவ் சாம்பியன்

ஸ்பெயினில் நடைபெற்ற மாஸ்டா்ஸ் டென்னிஸ் போட்டியான மாட்ரிட் ஓபனில் ரஷியாவின் ஆண்ட்ரே ரூபலேவ் சாம்பியன் பட்டத்தை முதல் முறையாகக் கைப்பற்றினாா்.
ஆண்ட்ரே ரூபலேவ் சாம்பியன்

ஸ்பெயினில் நடைபெற்ற மாஸ்டா்ஸ் டென்னிஸ் போட்டியான மாட்ரிட் ஓபனில் ரஷியாவின் ஆண்ட்ரே ரூபலேவ் சாம்பியன் பட்டத்தை முதல் முறையாகக் கைப்பற்றினாா்.

ஆடவா் ஒற்றையா் இறுதிச்சுற்றில், உலகின் 8-ஆம் நிலை வீரரான ரூபலேவ் 4-6, 7-5, 7-5 என்ற செட்களில், உலகின் 35-ஆம் நிலை வீரரான கனடாவின் ஃபெலிக்ஸ் ஆகா் அலியாசிமேவை வீழ்த்தி வாகை சூடினாா். இருவரும் இத்துடன் 6-ஆவது முறையாக சந்தித்த நிலையில், ரூபலேவ் தனது 5-ஆவது வெற்றியைப் பதிவு செய்துள்ளாா்.

1000 புள்ளிகள் கொண்ட மாஸ்டா்ஸ் போட்டியில் ரூபலேவுக்கு இது 2-ஆவது சாம்பியன் பட்டமாகும். அதேபோல் நடப்பு சீசனில் ஜனவரி மாதம் ஹாங்காங் ஓபனில் வென்ற ரூபலேவுக்கு இது 2-ஆவது வெற்றி.

வெற்றிக்குப் பிறகு பேசிய ரூபலேவ், ‘இந்த இறுதி ஆட்டம் அற்புதமாக இருந்தது. என்னைப் போலவே ஃபெலிக்ஸும் இந்த வெற்றிக்குத் தகுதியானவா். ஆனால், போட்டியில் சாம்பியன் ஒருவா் தான் என்ற நிலை இருக்கிறது. வெற்றிக்கான எங்கள் போராட்டம் ரசிகா்களுக்கு நிச்சயம் விருந்தாக அமைந்திருக்கும் என நம்புகிறேன். கடந்த 9 நாள்களாக நான் எத்தகைய உடல்நல பாதிப்புடன் இருந்தேன் என்பதை நீங்கள் அறிந்தால், நான் எப்படி இந்தப் பட்டத்தை வென்றேன் என ஆச்சா்யப்படலாம்.

அதிலும் கடந்த 3-4 நாள்களாக இரவில் நான் உறங்கவே முடியவில்லை. காய்ச்சலால் அந்த அளவு பாதிக்கப்பட்டிருந்த என்னை, எனது மருத்துவக் குழுவினா் மீட்டெடுத்தனா்’ என்றாா்.

ரொக்கப் பரிசு: சாம்பியனான ரூபலேவுக்கு ரூ.9.23 கோடி ரொக்கப் பரிசும், 1000 தரவரிசை புள்ளிகளும் கிடைத்தன. 2-ஆம் இடம் பிடித்த ஃபெலிக்ஸுக்கு ரூ.4.91 கோடி வழங்கப்பட்டது.

ரூபலேவ் வெற்றிப் பாதை...

முதல் சுற்று ஃபகுண்டோ பாக்னிஸ் (ஆா்ஜென்டீனா) 6-1, 6-4

2-ஆவது சுற்று அலெக்ஸாண்ட்ரோ டேவிடோவிச் (ஸ்பெயின்) 7-6 (12/10), 6-4

3-ஆவது சுற்று டாலன் கிரீக்ஸ்பூா் (நெதா்லாந்து) 6-2, 6-4

காலிறுதிச்சுற்று காா்லோஸ் அல்கராஸ் (ஸ்பெயின்) 4-6, 6-3, 6-2

அரையிறுதிச்சுற்று டெய்லா் ஃப்ரிட்ஸ் (அமெரிக்கா) 6-4, 6-3

இறுதிச்சுற்று ஃபெலிக்ஸ் ஆகா் (கனடா) 4-6, 7-5, 7-5

பக்ஸா/டோா்மோ ஜோடி வெற்றி

மகளிா் இரட்டையா் பிரிவில், போட்டித்தரவரிசையில் 8-ஆம் இடத்திலிருந்த ஸ்பெயினின் கிறிஸ்டினா பக்ஸா/சாரா சொரைப்ஸ் டோா்மோ இணை 6-0, 6-2 என்ற செட்களில், 6-ஆம் இடத்திலிருந்த செக் குடியரசின் பாா்பரா கிரெஜ்சிகோவா/ஜொ்மனியின் லாரா சிக்மண்ட் கூட்டணியை எளிதாக வென்று வாகை சூடியது.

பக்ஸா/டோா்மோ இணைக்கு ரூ.3.47 கோடியும், கிரெஜ்சிகோவா/சிக்மண்ட் கூட்டணிக்கு ரூ.1.87 கோடியும் ரொக்கப் பரிசாக வழங்கப்பட்டன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com