டி20 உலகக் கோப்பையில் அயர்லாந்து அணி 7 விக்கெட்டுகள் வித்தியாசத்தில் நெதர்லாந்தை வீழ்த்தியது.
டி20 உலகக் கோப்பையின் 3-வது ஆட்டத்தில் அயர்லாந்து, நெதர்லாந்து அணிகள் மோதின. டாஸ் வென்ற நெதர்லாந்து முதலில் பேட்டிங்கைத் தேர்வு செய்தது.
இதன்படி, முதல் பேட்டிங் செய்த நெதர்லாந்து நிர்ணயிக்கப்பட்ட 20 ஓவர்களில் 106 ரன்களுக்கு ஆட்டமிழந்தது.
இதையும் படிக்க | இங்கிலாந்துடனான பயிற்சி ஆட்டம்: இந்தியா பந்துவீச்சு
107 ரன்கள் எடுத்தால் வெற்றி என்ற இலக்குடன் அயர்லாந்து தொடக்க ஆட்டக்காரர்களாக பால் ஸ்டிர்லிங்க் மற்றும் கெவின் ஓ பிரையன் களமிறங்கினர். கெவின் ஓ பிரையன் 9 ரன்களுக்கும், அடுத்து களமிறங்கிய கேப்டன் ஆண்ட்ரூ பால்பிர்னி 8 ரன்களுக்கும் ஆட்டமிழந்தனர். ஆனால், கெராத் டெலானி அதிரடி காட்டி 29 பந்துகளில் 44 ரன்கள் சேர்த்தார்.
ஆனால், நிதானம் காட்டிய ஸ்டிர்லிங்க் கடைசி வரை ஆட்டமிழக்காமல் 30 ரன்கள் சேர்த்தார்.
15.1 ஓவர்களில் 3 விக்கெட்டுகள் இழப்புக்கு 107 ரன்கள் எடுத்த அயர்லாந்து 7 விக்கெட்டுகள் வித்தியாசத்தில் வெற்றி பெற்றது.