ஆலந்தூர் இடைத்தேர்தல்: திமுக வேட்பாளர் ஆர்.எஸ்.பாரதி

ஆலந்தூர் தொகுதி இடைத் தேர்தலில் திமுக சார்பில் வழக்குரைஞர் அணி செயலாளர் ஆர்.எஸ்.பாரதி போட்டியிடுகிறார். இதற்கான அறிவிப்பை திமுக தலைவர் கருணாநிதி திங்கள்கிழமை (மார்ச் 10) வெளியிட்டார்.

கடந்த 2011-ஆம் ஆண்டு சட்டப்பேரவைத் தேர்தலில் ஆலந்தூர் தொகுதியில் தேமுதிக சார்பில் போட்டியிட்டு வெற்றிபெற்றவர் பண்ருட்டி எஸ்.ராமச்சந்திரன். அவர் தேமுதிகவிலிருந்து விலகியதுடன், சட்டப்பேரவை உறுப்பினர் பதவியிலிருந்தும் விலகினார்.

அதனால் மக்களவைத் தேர்தலுடன் இணைத்து ஆலந்தூர் தொகுதிக்கும் ஏப்ரல் 24-ஆம் தேதி இடைத்தேர்தல் நடைபெற உள்ளது.

அதிமுக சார்பில் ஆலந்தூர் தொகுதியில் அந்தப் பகுதியின் நகரச் செயலாளர் வி.என்.பி.வெங்கட்ராமன் அறிவிக்கப்பட்டுள்ளார். இந்த நிலையில் ஆலந்தூர் தொகுதி திமுக வேட்பாளராக வழக்குரைஞர் அணிச் செயலாளர் ஆர்.எஸ்.பாரதி வேட்பாளராக அறிவிக்கப்பட்டுள்ளார்.

2.97 லட்சம் வாக்காளர்கள்: ஆலந்தூர் தொகுதியில் 2 லட்சத்து 97 ஆயிரத்து 631 வாக்காளர்கள் உள்ளனர். அதில் ஆண்கள் ஒரு லட்சத்து 49 ஆயிரத்து 705 பேர், பெண்கள் ஒரு லட்சத்து 49 ஆயிரத்து 914 பேர்.