தென் தமிழகத்தில் மழை வாய்ப்பு

இலங்கை அருகே குறைந்த காற்றழுத்த தாழ்வு நிலை உருவாகியுள்ளதால் தென் தமிழகத்தில் ஆங்காங்கே புதன்கிழமை மழை பெய்யும் என்று வானிலை ஆய்வு மையம் தெரிவித்துள்ளது.

இது குறித்து வானிலை ஆய்வு மைய அதிகாரிகள் கூறியது: தென்கிழக்கு வங்கக் கடலில் கடந்த இரு தினங்களுக்கு முன்பு குறைந்த காற்றழுத்தத் தாழ்வு நிலை உருவாகி இலங்கைக்கு அருகே வந்துள்ளது. இதன் காரணமாக தென் தமிழகத்தில் புதன்கிழமை ஆங்காங்கே லேசான மழை பெய்யும். இது வலுவடைய வாய்ப்பில்லை என்று அதிகாரிகள் தெரிவித்தனர்.