சுடச்சுட

    

    வாக்காளர் பட்டியலில் திருநங்கைகளுக்கு தனி பாலினம்: தேர்தல் ஆணையம் உறுதி

    By dn  |   Published on : 20th March 2014 06:26 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    வாக்காளர் பட்டியலில் திருநங்கைகள் பெயர் சேர்ப்பு தொடர்பாக உரிய நடவடிக்கை எடுக்கப்படும் என்று தலைமைத் தேர்தல் அதிகாரி பிரவீண்குமார் தெரிவித்தார்.

    இது குறித்து, புதன்கிழமை நடைபெற்ற செய்தியாளர்கள் சந்திப்பில் எழுப்பப்பட்ட கேள்விக்கு அவர் அளித்த பதில்:

    வாக்காளர் பட்டியலில் பெயரை பதிவு செய்துள்ள திருநங்கைகள் பலரும், தங்களது பாலினத்தை பெண் என்றே குறிப்பிட்டுள்ளனர்.

    ஆனாலும், தங்களை தனியாகக் குறிப்பிட வேண்டும் என்று அவர்கள் கோரிக்கை வைத்துள்ளனர். இது தொடர்பாக அவர்களும் என்னை வந்து சந்தித்தனர்.

    இந்தப் பிரச்னை தொடர்பாக, தேர்தல் முடிந்த பிறகு திருநங்கைகளை அழைத்து ஆலோசனை நடத்துவோம். அவர்களது கோரிக்கைகள் நிறைவேற்றப்படும்.

    கோயில் திருவிழாக்கள்: மாநிலத்தில் கோயில் திருவிழாக்களை நடத்த எந்தத் தடையும் இல்லை. ஆனால், இந்த விழாக்களில் அரசியல் கட்சியினர் சிறப்பு விருந்தினர்களாக பங்கேற்கக் கூடாது. போஸ்டர்கள், பேனர்கள் வைக்கக்கூடாது.

    தேர்தல் பிரசாரம் செய்வது போன்று திருவிழாக்கள் நடத்தப்பட்டால் அது குற்றமாகும் என்றார் பிரவீண்குமார்.

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai