Enable Javscript for better performance
தமிழகத்துடன் திருத்தணி இணைந்த ஆண்டு விழா- Dinamani

சுடச்சுட

    

    தமிழகத்துடன் திருத்தணி இணைந்த 55-ஆவது ஆண்டு தொடக்க விழா வரும் ஏப்ரல் 1-ஆம் தேதி திருத்தணியில் நடைபெறவுள்ளது. இது தொடர்பாக சிலம்புச் செல்வர் டாக்டர் ம.பொ.சி. அறக்கட்டளையின் நிறுவனர் ம.பொ.சி. மாதவி பாஸ்கரன் வெளியிட்டுள்ள செய்திக் குறிப்பு:

    இந்திய விடுதலைப் போராட்ட வீரரும் தமிழக எல்லைகளை மீட்டுத் தந்தவருமான சிலம்புச் செல்வர் ம.பொ.சி. நடத்திய எல்லைப் போராட்டங்களின் மூலம் தமிழகத்துடன் திருத்தணி 1960-ஆம் ஆண்டு ஏப்ரல் மாதம் 1-ஆம் தேதி இணைக்கப்பட்டது.

    திருத்தணி, தமிழகத்துடன் இணைந்து 54 ஆண்டுகள் முடிவடைந்து 55ஆவது ஆண்டு தொடக்க விழா மற்றும் கவிஞர் கா.மு. ஷெரிப், கவிஞர் கு.சா. கிருஷ்ணமூர்த்தி ஆகியோரின் நூற்றாண்டு விழா வரும் ஏப்ரல் 1-ஆம் தேதி செவ்வாய்க்கிழமை திருத்தணி ம.பொ.சி. சிலை எதிரில் உள்ள வன்னியர் சத்திரத்தில் நடைபெறவுள்ளது. இந்த விழாவில் பழ.நெடுமாறன் தலைமையில் எழுத்தாளர்கள், கவிஞர்கள், அறிஞர்கள், தமிழரசு கழகத் தோழர்கள் சிறப்புரையாற்றுகின்றனர். இதில் எல்லைப் போராட்ட வீரர்கள் சிறப்பிக்கப்பட உள்ளனர் எனத் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai